151 shaqyrymǵa sozylǵan ekinshi kezeńniń qorytyndysy boıynsha 2017 jylǵy «Výeltada» eń úzdik jas sportshy atanǵan ıspanııalyq Mark Soler (Movistar) jeńimpaz atandy. Birinshi kezeńde top jarǵan slovenııalyq Prımoj Roglıch (Jumbo-Visma) máre syzyǵyn Solerden 19 sekýnd keıin kesip, ekinshi orynǵa qol jetkizdi. Al birinshi jarys kúninde ekinshi bolǵan ırlandııalyq Denıel Martın (Israel Start-Up Nation) bul joly úzdik úshtikti túıindedi.
Qazaqstandyq «Astana» velokomandasynan eń jaqsy nátıjeni reseılik veloshabandoz Aleksandr Vlasov kórsetti. Jeńimpazdan bir mınýtqa qalyp qoıǵan ol márege 16-shy bolyp jetti. Eki kezeńniń qorytyndysy boıynsha jalpy esepte slovenııalyq Prımoj Roglıch kósh bastap tur. Al «Astana» klýbynyń ókilderinen Isagırre 14-shi, Vlasov 24-orynda keledi.
