Eldiń úkimet basshysy Jan Kasteks indettiń jyldam taralýyn toqtatý maqsatynda eldiń taǵy ondaǵan aýdanynda komendanttyq saǵat túngi ýaqytta deıin uzartylatynyn málimdedi.
Fransııada koronavırýsqa shaldyǵýdyń rekordtyq, ıaǵnı 41 622 jańa oqıǵasy tirkeldi. Komendanttyq saǵat juma kúnnen bastap engiziledi jáne ol saǵat 21:00-den tańǵy 06:00-ge deıin sozylady. Bul 46 mıllıonǵa jýyq adamǵa qatysty qoldanatyn shara bolmaq. Sońǵy táýlikte vırýstan taǵy 162 adam kóz jumǵan.
Sondaı-aq Grekııanyń premer-mınıstri Kırıakos Mısotakıs 24 qazannan bastap COVID-19 qaýipti vırýsyna qarsy is-áreketter qoldaný maqsatynda jańa karantın shekteýleri engiziletinin habarlady.
Senbi, 24 qazan kúngi tańǵy saǵat 6-dan bastap elde maska taǵý rejimi engiziledi. Endi turǵyndar maskany tek ǵımarat ishinde ǵana emes, kóshelerde kııýge mindetti bolady.
Budan basqa, epıdemııalyq jaǵdaıy kúrdeli aımaqtarda komendanttyq saǵat engiziledi. Ol túngi saǵat 00:30-dan tańǵy 5:00-ge deıin sozylady. Sońǵy derekterge sáıkes Grekııada COVID-19 vırýsyna shaldyǵýdyń 28 216 oqıǵasy rastalyp, koronavırýs ınfeksııasynan 549 adam qaıtys boldy.
