Munda turatyn stýdentterdiń bári qashyqtyqtan oqýǵa tehnıkalyq múmkindikteri joq basqa qalalardan kelgen jastar. Bilim jáne ǵylym mınıstrliginiń usynymdaryna sáıkes ár bólmede 2 adamnan aspaýy tıis.
"Monıtorıngtik top músheleri jataqhanalarda turý jaǵdaıymen tanysty, turǵyn bólmelerdiń, oqý zaldarynyń, kir jýý oryndarynyń, as úılerdiń, sebezgi jáne sanıtarııalyq toraptardyń jaı-kúıin qarap shyqty. Qazir JOO jataqhanasyna qabyldaý ýnıversıtettiń resmı saıty arqyly elektrondy túrde júzege asyrylady. Bul tetikti engizý bıýrokratııalyq kidirister men sybaılas jemqorlyq táýekelderin tolyǵymen joıady", dep atap ótti "Nur Otan" partııasynyń "Bolashaq" fılıaly tóraǵasynyń birinshi orynbasary Aleksandr Zel.
Jataqhananyń ár qabatynda sanıtaızerler ornatylǵan, jastar arasynda bolýy múmkin aýrýlarǵa arnalǵan ızolıatorlar bar. Sondaı-aq, olar ınternet baılanysynyń sapasy men ınfraqurylymnyń qoljetimdiligin baǵalady. Barlyq jataqhanalar ishki jáne syrtqy beınetirkeýmen, órt sóndirgishtermen jabdyqtalǵan. Nurotandyqtardyń pikirinshe, bul sharalar ýnıversıtettiń stýdenttik kampýsynyń aýmaǵynda qaýipsiz turýdy qamtamasyz etedi.
"Monıtorıng qorytyndysy boıynsha buzýshylyqtar anyqtalǵan joq. Biz stýdenttermen sóılestik, olardan shaǵymdar túsken joq, olardy bári de qanaǵattandyrady eken", dedi A.Zel.
PETROPAVL
