Bul oraıda eń kóp qoıylǵan saýaldar 42 500 teńge áleýmettik tólemine (400 myńnan astam), zeınetaqy jáne áleýmettik qamsyzdandyrýǵa (356 myńnan astam), sondaı-aq áleýmettik mekenjaı kómegine (50 myńnan astam) qatysty bolǵan.
Qazaqstanda áleýmettik qyzmetkerlerdiń kásibı merekesi qazan aıynyń sońǵy jeksenbisine belgilengen. Bul kún 2011 jyly QR Tuńǵysh Prezıdentiniń jarlyǵyna sáıkes bekitildi. Qazirgi tańda "Azamattarǵa arnalǵan úkimet" memlekettik korporasııasynda jumys istep jatqan 22 myńnan astam adamnyń 2 myńnan astamy - áleýmettik bloktyń qyzmetkerleri.
Korporasııanyń áleýmettik saladaǵy róli tek qana 1411 baılanys ortalyǵymen shektelmeıdi. Búginde "Azamattarǵa arnalǵan úkimet" áleýmettik jáne zeınetaqymen qamsyzdandyrý salasynda tólemderdiń 44 sanaty boıynsha 15 memlekettik qyzmet kórsetedi. Sonyń ishinde dekrettik tólemder, bala týý men bir jasqa deıingi kútimi boıynsha járdemaqylar, zeınetaqylar men basqa da áleýmettik tólemder bar, - dedi memlekettik korporasııasynyń basqarma tóraıymynyń orynbasary Birjan Júnisov.
Aıta ketý kerek, bıylǵy 9 aı ishinde "Azamattarǵa arnalǵan úkimet" áleýmettik blogynyń mamandary 20,3 mln tólem jasaǵan. Keń taraǵan qyzmetterge toqtalsaq, balanyń týýy men bir jasqa deıingi kútimine qatysty járdemaqy – 315 397, bir jasqa deıingi bala kútimine oraı tabysynan aırylǵan jaǵdaıda taǵaıyndalatyn áleýmettik tólem – 206 082, júktilikke jáne bosanýǵa baılanysty áleýmettik tólem – 154 499.
