Mańǵystaýda sońǵy aptada sýyt habardan qulaq qurǵamaı qoıdy. Qarashanyń 13-inde Jetibaı ken ornynda «Mańǵystaýmunaıgaz» AQ-tyń 3-shi bloktyq kýstalyq sorǵylyq stansasyna qarasty 5 myń tekshe metrlik jańa sý rezervýarynyń tóbesin montajdaý jumystaryn júrgizip jatqan eki jumysshy qulap, qaza tapqan edi. Qaptama qańyltyrdyń qulaýy saldarynan 15 metr bıiktikten ushqan «Oıl korpereıshn kompanı» JShS jumysshysynyń biri oqıǵa ornynda kóz jumsa, ekinshisi aýrýhanaǵa barar jolda úzilgen.
Mańǵystaýda sońǵy aptada sýyt habardan qulaq qurǵamaı qoıdy. Qarashanyń 13-inde Jetibaı ken ornynda «Mańǵystaýmunaıgaz» AQ-tyń 3-shi bloktyq kýstalyq sorǵylyq stansasyna qarasty 5 myń tekshe metrlik jańa sý rezervýarynyń tóbesin montajdaý jumystaryn júrgizip jatqan eki jumysshy qulap, qaza tapqan edi. Qaptama qańyltyrdyń qulaýy saldarynan 15 metr bıiktikten ushqan «Oıl korpereıshn kompanı» JShS jumysshysynyń biri oqıǵa ornynda kóz jumsa, ekinshisi aýrýhanaǵa barar jolda úzilgen.
Araǵa úsh kún salyp taǵy bir qaıǵyly oqıǵa temirjol boıynda oryn aldy. Mańǵystaý jol bólimshesiniń Tamaq – Mańǵyshlaq jolynyń 399 shaqyrymynda júk poıyzy men munaı tasymaldaıtyn MAN avtokóligi soqtyǵysyp qaldy. Jol ótkelindegi jumys istep turǵan qurylǵynyń belgisine kóligin toqtatqan júrgizýshi, jaqyndaı bergen poıyzdy baıqamady ma, belgisiz sebeptermen júrisin jalǵastyrǵan. Ol basty kúdikti retinde tanylyp otyr.
Soqqydan joldan shyǵyp ketken teplovoz jáne onyń jetegindegi munaı tıelgen 18 sısternanyń 10-y órtke orandy. Mashınıstiń 24 jasar kómekshisi qaza taýyp, 33 jastaǵy mashınıst aýrýhana tústi. Apat bolǵan jerge jetken Mańǵystaý oblystyq tótenshe jaǵdaılar departamentiniń mamandary, temirjol bólimshesi men quqyq qorǵaý oryndarynyń qyzmetkerleri órtti aýyzdyqtaýǵa, oqıǵa sebebin anyqtaýǵa jáne qarym-qatynasty qalpyna keltirýge jumyldy. Bolǵan oqıǵanyń mán-jaıyn anyqtaý úshin «Qazaqstan temir joly»» UK» AQ tarapynan arnaıy komıssııa quryldy. Derek kózderi temirjol ótkeliniń tehnıkalyq jaǵdaıynda min bolmaǵandyǵyn, ony 17 qazanda Mańǵystaý oblystyq jol polısııasy basqarmasy teksergendigin aıtady.
Poıyzdardyń kestesinde keshigý oryn alǵanmen, bas-aıaǵy 3 saǵattan astam ýaqytta órt sóndirilip, qarym-qatynas qalpyna keltirildi.
«Jazmyshtan ozmysh joq» degen osy, biraq «Saqtansań, saqtarmyn» degen de bar ekenin esten shyǵarmaǵan jón-aý...
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
