Qazaqstan • 23 Qazan, 2020

Terrorıstik turǵydan osal nysandarǵa aıyppul salyndy

9 ret kórsetildi

Kóliktegi polısııa departamenti jyl saıyn elimizdiń temirjol vokzaldary men áýejaılarynyń terrorıstik turǵydan osal obektiler retinde terrorızmge qarsy qorǵalýynyń jaı-kúıine tekserý júrgizedi, dep habarlaıdy Egemen.kz

Osy jyldyń 9 aıynda kólik polıseılerimen kólik ınfraqurylymynyń 33 obektisi, onyń ishinde 22 temirjol vokzaly jáne 11 áýejaı tekserildi. Bul týraly Departamenttiń Ekstremızmge qarsy is-qımyl basqarmasynyń bastyǵy Erlan Álimov habarlady.

Onyń aıtýynsha, ákimshilik sottardyń sheshimimen QR ÁQBtK-niń 149-baby, ıaǵnı,  terrorıstik turǵydan osal obektiniń terrorızmge qarsy qorǵalýyn qamtamasyz etý jáne qaýipsizdiginiń tıisti deńgeıin saqtaý jónindegi mindetterdi oryndamaý jáne (nemese) tıisinshe oryndamaý boıynsha TTO obektileriniń 12 basshysy jaýapqa tartyldy, olarǵa jalpy somasy 13 mıllıon teńgege 100-den 1000 AEK-ke deıin aıyppul túrinde ákimshilik jaza qoldanyldy.

"Terrorıstik turǵydan osal obektilerdiń basshylary, QR "Terrorızmge qarsy is-qımyl týraly" Zańyna sáıkes, menshik nysanyna qaramastan, senip tapsyrylǵan obektiniń terrorızmge qarsy qorǵalýyn qamtamasyz etý, sondaı-aq atqaratyn qyzmetteri men júktelgen mindetterine qaramastan, óz personalyn oqytý, úı-jaılardy tekserý tehnıkasy, jarylǵysh qurylǵylardyń ornatylýy múmkin oryndardy anyqtaý boıynsha is-sharalar ótkizýge mindetti", dedi E.Álimov.

Polısııa polkovnıginiń aıtýynsha, jyl saıyn respýblıkanyń temirjol vokzaldary men áýejaılarynyń sany artyp keledi, olar QR Úkimetiniń "Terrorıstik turǵydan osal obektilerdiń terrorızmge qarsy qorǵalý júıesine qoıylatyn talaptardy bekitý týraly" qaýlysynyń talaptaryna sáıkes keltirilgen jáne olardyń ınjenerlik-tehnıkalyq nyǵaıtylýy qaýipsizdiktiń tıisti deńgeıin qamtamasyz etýge múmkindik beredi.  

 

Sońǵy jańalyqtar

Prezıdent Alık Shpekbaevty qabyldady

Prezıdent • Búgin, 16:02

TikTok jelisinde olqylyqtar tabyldy

Tehnologııa • Búgin, 10:29

Uqsas jańalyqtar