Prezıdent • 23 Qazan, 2020

Prezıdent Qyzylorda oblysynyń ákimin qabyldady

102 ret kórsetildi

Qazaqstan Prezıdentine bıylǵy 9 aı ishindegi Qyzylorda oblysynyń áleýmettik-ekonomıkalyq damýynyń negizgi kórsetkishteri týraly esep berildi, dep habarlaıdy Aqordanyń baspasóz qyzmeti.

Gúlshara Ábdiqalyqova Qasym-Jomart Toqaevqa Qyzylorda oblysynyń 2023 jylǵa deıingi ekonomıkalyq damý josparynyń ázirlenýi týraly málimet berdi. Onda ekonomıkanyń túrli salalary boıynsha quny 271 mıllıard teńge bolatyn 265 jobany júzege asyrý jáne 4610 turaqty jumys ornyn ashý qarastyrylýda. Oblys ákiminiń aıtýynsha, bıyl jalpy quny 26 mıllıard teńge bolatyn 110 joba iske asyryla bastaǵan. Bul bastamalar aıasynda 2000 jumys orny ashylady.

Qazaqstan Prezıdentine 15,5 myń gektar jerge egilgen dándi jáne maıly daqyldardy jınaý naýqanynyń aıaqtalǵany jóninde aqparat berildi. 551,3 myń tonna kúrish jınalyp, jaqsy kórsetkishke qol jetkizilgen. Oblys ákimi Memleket basshysyna Jumyspen qamtýdyń jol kartasynyń iske asyrylý barysy týraly aıtty.

Bul baǵdarlama aıasynda ınfraqurylymdyq jobalardy júzege asyrý úshin 38 mıllıard teńge tartylyp, 9 myńnan astam jumys orny ashylǵan. Sonymen qatar Qasym-Jomart Toqaevqa oblystaǵy koronavırýspen kúreske qarsy qabyldanǵan sharalar týraly baıandaldy. О́ńir ákiminiń aıtýynsha, qazirgi tańda barlyq medısınalyq uıymdar shtattyq rejımde jumys istep jatyr. Qajet bolǵan jaǵdaıda 21 juqpaly aýrýlar stasıonarynda qosymsha 3200-ge deıin tósek oryn daıyndaýǵa múmkindik bar.

Aımaq qajetti dári-dármektermen jáne qorǵanysh quraldarymen tolyq qamtamasyz etilgen. Gúlshara Ábdiqalyqova Prezıdentke 200 oryndyq modýldi juqpaly aýrýlar aýrýhanasynyń qurylysy bastalǵanyn jetkizdi. Nysan osy jyldyń 1 jeltoqsanyna deıin iske qosylady dep josparlanyp otyr.

Kezdesý sońynda Memleket basshysy Qyzylorda oblysynyń ákimine qaıta óńdeý ónerkásibindegi ósim kórsetkishin jaqsartý, shaǵyn jáne orta bızneske qoldaý kórsetý, ekonomıkalyq jobalardy ártaraptandyrý qajettigine qatysty birqatar tapsyrma berdi. Sondaı-aq Prezıdent óńirdegi epıdemıologııalyq ahýaldy qatań baqylaýda ustaýdy tapsyrdy.



Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar