Onyń negizinde ýnıversıtet ujymy "QAZAQ RADIOLARY" radıostýdııa bazasynda alqasóz, semınar, trenıng, vıdeo-konferensııalar ótkizedi. Al seriktestik Jýrnalıstıka jáne saıasattaný fakýlteti stýdentterine Nur-Sultan jáne Almaty qalalaryndaǵy redaksııalarda oqý jáne óndiristik tájirıbeden ótýge jaǵdaı jasaıdy.
Qazaq rýhanııatynyń qarashańyraǵy 100 jyldyǵyn toılar jyly EUÝ shırek ǵasyrǵa qadam basady. Aıtýly qos mereke qarsańynda birlese atqarar jobalar da jeterlik.
"Rektory Erlan Báttashulynyń iskerligi men kóregendiginiń nátıjesinde ýnıversıtet bıyldan bastap sport jýrnalısin arnaıy mamandyq retinde engizgen elimizdegi tuńǵysh joǵarǵy oqý ornyna aınaldy. Al "Qazaq radıolary" seriktestiginiń 20-dan astam qyzmetkeri osy ýnıversıtet túlegi. Halyqaralyq bilim arenasynda ózindik orny bar EUÝ qabyrǵasynda Jýrnalıstıka máselelerin zertteıtin ınstıtýt ta ashylǵan bolatyn. Onyń dırektory – rajıojýrnalıstıkanyń janashyry, osy salada tom-tom eńbek jazǵan professor Namazaly Omashev aǵamyz. Búginge deıin de "Qazaq radıolary" men EUÝ birlese atqarǵan jumystar jeterlik. Alda da ekijaqty yntymaqtaqtastyq arqasynda aýqymdy jumystar atqaryla beretinine kámil senemiz", dedi Ernur Býrahan.
Aıta keteıik, buǵan deıin Seriktestik Ál-Farabı atyndaǵy Qazaq ulttyq ýnıversıtetimen ekijaqty baılanys ornatty. Kelisimge sáıkes Qazaq radıosynyń 100 jyldyǵy qarsańynda ýnıversıtet ǵımaratynda radıostýdııa ashý jumysy bastalyp ketti. ⠀
