Áıteýir, jaǵdaı tragedııaǵa soqtyrmaı amandyqpen aıaqtaldy. Eki bóbekti qadaǵalap otyrǵan apalary kórshi páterdegi egde jastaǵy áıel qysylǵan soń oǵan jedel járdem shaqyryp, ony kirgizip alýǵa tómenge túsip ketken eken. Úıde qaraýsyz qalǵan «batyrlar» osy kezde terezeni ashyp oınaǵan. "Bóbekter qaýiptiń qaıdan ekenin bile me? Ár túrli jaǵdaı bolady. Mektepterde joldardaǵy, sý qoımalaryndaǵy qaýipsizdik sharalary týraly túsindirý áńgimelerin biz únemi ótkizemiz. Al bóbektiń terezede oınaýy óte qaýipti. Kez kelgen sekýndta ol qulap ketýi múmkin. Sondyqtan asa qatty alańdatýshylyq týǵyzady. Mundaıdy kórip, polısııaǵa habarlasqan qyraǵy turǵyndarǵa alǵys aıtamyz", - deıdi ıývenaldyq polısııa bastyǵy Elmıra Abýsheva.
Polısııa qyzmetkerleriniń tájirıbesinde ata-analary dúkenge nemese jaqyn mańdaǵy jerge baryp kelýi úshin uıyqtap jatqan balalaryn qaraýsyz qaldyryp, kelgen ýaqytta úreı týǵyzǵan oqıǵalardyń oryn alǵan jaǵdaılary jıi kezdesedi. О́tken aptada Jambyl kóshesindegi úıden polısııaǵa qońyraý túsken. Áıel 2 jastaǵy balasyn az ýaqytqa qaraýsyz qaldyrǵan. Oıanǵan bóbek esikti ishten jaýyp alyp, qaıta asha almaı, anasyn dalada qaldyrǵan. Taǵy bir jaǵdaı osy jazda oryn alǵan. Uıqydan oıanǵan bıik úıdegi bóbek terezeni ashyp, odan basyn shyǵaryp, anasyn shaqyryp turǵanyn kórgen turǵyndar da polısııaǵa habarlaǵan. Abyroı bolǵanda bul joly da bóbek aman qalǵan edi.
