Parlament Senaty Halyqaralyq qatynastar, qorǵanys jáne qaýipsizdik komıtetiniń músheleri elimizdiń Tótenshe jaǵdaılar mınıstrliginiń basshylyǵymen kezdesý ótkizdi, dep habarlady Senattyń baspasóz qyzmeti.
Parlament Senaty Halyqaralyq qatynastar, qorǵanys jáne qaýipsizdik komıtetiniń músheleri elimizdiń Tótenshe jaǵdaılar mınıstrliginiń basshylyǵymen kezdesý ótkizdi, dep habarlady Senattyń baspasóz qyzmeti.
Kezdesý barysynda Qazaqstan aýmaǵyndaǵy tabıǵı jáne tehnogendik sıpattaǵy tótenshe jaǵdaılardyń aldyn alý jáne olardy joıýdaǵy mınıstrlik qyzmetin zańnamalyq turǵyda qamtamasyz etý máseleleri talqylandy.
Tótenshe jaǵdaılar mınıstri V.Bojko bastaǵan mınıstrlik ókilderi vedomstvo jumystarynyń basty baǵyttary men aldaryna qoıylǵan maqsattary týraly habardar etti. Senatorlar apattan qutqarý jumystary boıynsha kórsetkishterdiń aıtarlyqtaı jaqsarǵanyna joǵary baǵa berip, mınıstrliktiń eldi mekenderdegi tasqyndardy jáne adamdardyń sýda apat bolýyn boldyrmaý, sondaı-aq, óndiristik qaýipsizdik pen tótenshe jaǵdaılarǵa jedel shara qoldanýdy qamtamasyz etý jónindegi qyzmetimen jan-jaqty tanysty.
Depýtattar qazirgi tańda Parlament qabyrǵasynda qaralyp jatqan «Azamattyq qorǵaý týraly» zań jobasynyń negizgi erejelerin talqylaýǵa erekshe nazar aýdardy. Kezdesý kezinde osy zań jobasynyń maqsattary men baǵyttary týraly egjeı-tegjeıli málimetter aıtylyp, olardy aldaǵy ýaqytta Senatta talqylaý barysynda paıdalaný týraly sóz boldy.
Sonymen qatar, kezdesý aıasynda qutqarý qyzmeti ınfraqurylymyn jetildirý, kadrlar saıasaty, gýmanıtarlyq kómek jáne tótenshe jaǵdaılar salasyndaǵy halyqaralyq yntymaqtastyqqa qatysty máseleler talqylandy. Kezdesýden keıin depýtattar Astana qalasy Tótenshe jaǵdaılar departamentiniń órt sóndirý bóliminde bolyp, avarııalyq-qutqarý jáne órt sóndirý tehnıkalarymen tanysty.
