Oblystyq polısııaǵa departamentiniń málimetinshe, Pavlodar - Sharbaqty tasjolynda jolaýshylar otyrǵan "Gazel" aýdarylǵan. Kólikti 57 jastaǵy er adam basqarǵan. Ol kóliktiń tizginine ıe bola almaı qalǵan.
Apat ornynan eki jolaýshyny týystary alyp ketken. Onyń biri keıin úıine medısına qyzmetkerlerin shaqyrǵan. Áıel bel omyrtqasynan jaraqat alǵan. Ol aýrýhanaǵa jatqyzylypty.
Sondaı-aq, jedel járdem qyzmeti jol apatynan zardap shekken qyzdy aýrýhanaǵa jetkizgen.
"19 jastaǵy qyz bas jaraqatyn alǵan, mıy shaıqalǵan, shyntaǵynyń býyny úzilgen, jambas súıegi synǵan", delingen oblystyq densaýlyq saqtaý basqarmasy taratqan habarlamada.
Oblystyq polısııa departamenti oqıǵanyń mán-jaıyn anyqtap jatyr. Qazirgi tańda "Gazel" kóligi aıypturaqqa qoıylǵan.
