Atap aıtar ister bar

Memleket basshysy Nursultan Nazarbaevtyń atyna Oń­tús­tik Qazaqstan oblysynyń ákimi Abylaı Myrzahmetovten hat kelip tústi, dep habarlady Prezıdenttiń baspasóz qyzmeti.

Memleket basshysy Nursultan Nazarbaevtyń atyna Oń­tús­tik Qazaqstan oblysynyń ákimi Asqar Myrzahmetovten hat kelip tústi, dep habarlady Prezıdenttiń baspasóz qyzmeti.

О́z esebinde A.Myrzahmetov Úkimettiń 2013 jylǵy 11 qazandaǵy keńeıtilgen otyrysynda Memleket basshysy bergen tapsyrmalardyń oryndalý barysynan habardar etken.       

Ońtústik Qazaqstan oblysynyń ákimi kásipkerlerge «Bıznestiń jol kartasy-2020» baǵdarlamasy boıynsha jalpy quny 90 mln. teńge kóleminde grant jáne shaǵyn nesıe bólý qarastyrylǵanyn málimdeıdi.

Jyl basynan beri 17 kásipker 71 mln. teńge kóleminde grant alyp, qazirdiń ózinde óz jobalaryn júzege asyrýda, al taǵy 5 grant boıynsha baıqaý komıssııasynyń sheshimi shyǵarylyp, tıisti qujattar ázirlenýde. Kestege sáıkes, qarajat jyl sońyna deıin tolyǵymen ıgeriletin bolady.

Buǵan qosa, Monoqalalardy damytý baǵdarlamasy aıasynda quny 12 mln. teńge bolatyn 6 grant bólinipti.

Oblys ákiminiń esebi boıynsha, «Jumyspen qamtý jol kartasy-2020» baǵdarlamasy aıasynda jyl basynan beri quny 2,5 mlrd. teńge bolatyn 1076 shaǵyn nesıe berilgen. Budan bólek, «Maksımým» óńirlik ınvestısııalyq ortalyǵy arqyly quny 2,4 mlrd. teńge bolatyn 1654 shaǵyn nesıe qosymsha bólinipti.

Osylaısha, búginde oblysta jalpy quny 4,9 mlrd. teńgeni quraıtyn 2730 shaǵyn nesıe berilgen.

Sonymen qatar, A.Myrzahmetov óńirde toqyma fabrıkalarynyń jumys isteýi máseleleriniń sheshilgeni týraly baıandaıdy. Mysaly, «Oxy Textile» JShS men maqta óńdeý zaýyty «Sarmat trading» JShS arasynda jyl boıy tolyq jumys isteý úshin jetkilikti 6000 tonna maqta talshyǵyn óńdeý jóninde kelisim jasalǵan. Búginde zaýytty iske qosý jumystary júrgizilýde. Sondaı-aq, ındýs­trııalandyrý kartasyna enbegen «Melanj» toqyma fabrıkasy bıylǵy qyrkúıek aıynan bastap jumys isteı bastady. Ulttyq kompanııalarmen jylyna quny 50 mln. dollarǵa taýar satyp alatyn uzaq merzimdi (5 jyl) kelisimder jasalǵan.

Ońtústik Qazaqstan oblysy ákimi toqyma fabrıkalaryn shıkizatpen turaqty qamtamasyz etetin biryńǵaı júıe qalyptastyrý úshin memlekettik turaqtandyrý qoryn qurý jóninde Úkimetke usynys engizilip, bul baǵytta jumystar júrgizilgenin málim etedi.

A.Myrzahmetov esebiniń sońynda keńeıtilgen otyrys barysynda alǵa qoıylǵan basqa da mindetter boıynsha oblys­ta arnaıy is-sharalar jospary qabyldanyp, soǵan sáıkes tıisti jumystar atqarylyp jatqany týraly habarlaǵan.