Týrızm • 27 Qazan, 2020

Túrkistanda bas qosty

11 ret kórsetildi

Túrkistan oblysynda óńirdiń týrıstik áleýetin damytý boıyn­sha «Túrkistan – túrki áleminiń besigi» atty respýb­lıka­lyq semınar-keńes ótti. Oblystyq týrızm basqarmasy uıymdastyrǵan jıynnyń maqsaty – óńirdegi týrızmdi damytý, ózge oblystardyń ákimdikterimen birlesken is-sharalardy uıymdastyrý jáne ótkizý.

Atalǵan sharaǵa Týrızm ındýstrııasy komıteti jáne Kazakh Tourism UK AQ basshylary, eli­mizdiń ózge oblystarynyń sa­la­lyq basqarmalary men týrızm qaýymdastyǵy ókilderi arnaıy qatysty. Is-shara barysynda Túr­kistan oblysy boıynsha, onyń ishinde Túrkistan qalasynda salynyp jatqan jańa nysandarǵa, Otyrar, Báıdibek aýdandarynyń týrıstik nysandaryna aqparattyq týr uıymdastyryldy.

Sondaı-aq semınar-keńes aıasynda Shymkent, Almaty qalalarymen jáne Almaty, Qyzylorda oblystarymen, sonymen qatar Kazakh Tourism UK AQ-men týrızm sala­­syn­daǵy ózara túsinistik jáne yn­tymaqtastyq týraly memo­ran­dýmǵa qol qoıyldy. Jı­yn­­ǵa qa­tysýshylar týrızm – Túr­kis­tan oblysy ekono­mıka­sy­nyń basym salalarynyń biri eke­nin aıtty. Ásirese, bi­re­geı sáýlet-tarıhı jáne arheo­lo­gııa­lyq eskertkishteri, tań­ǵa­jaıyp tabıǵaty men ózindik mádenıeti bar ólkemiz óńirlik jáne halyqaralyq deńgeıde týrızm­di damytý úshin zor ále­ýet­ke ıe ekeni baıandaldy.

Qazirgi tańda memleket tarapynan tek qalanyń ǵana emes, jalpy oblystyń damýyna erekshe kóńil bólinip keledi. Infraqurylymdy jańǵyrtý aıasynda jumystar belsendi júr­gizilip, jańa ınvestısııa­lar tartylýda. Odan bólek, Túr­kistan qalasyn Túrki ále­miniń mádenı jáne rýhanı astanasy jáne Ortalyq Azııadaǵy Ha­lyqaralyq týrızm men zııarat etý ortalyǵy retinde damytý – búgingi tańda týrızm salasyn­daǵy memlekettik saıasattyń stra­tegııalyq basymdyqtarynyń bi­rine aınaldy jáne osy baǵytta memlekettik qoldaý kórsetý týrızm­di turaqty damytýdyń alǵy­sharty bolyp otyr.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar