«Qazirgi kezde ishki týrızmge degen suranystyń joǵary ekendigin baıqap otyrmyz. Bul óte jaqsy úrdis, biraq jańalyqtardan kórip, oqyp otyrǵanymyzdaı týrızmniń damýyna baılanysty jaǵymsyz jaǵdaılardy esten shyǵarmaýymyz kerek. Bul qaǵıdattar tabıǵatty saqtaý ıdeıasyn ǵana emes, sondaı-aq Qazaqstanǵa osy sala úshin eń mańyzdy resýrsty saqtaı otyryp, uzaqmerzimdi eko-demalysty damytýǵa múmkindik beredi», dep atap ótti Denıs Lýkıanchýk.
Sala mamandary bıylǵy pandemııa jaǵdaıynda ishki týrızmge suranystyń artqanyn aıtýda. Biraq elimizde belsendi demalystyń mádenıeti qalyptaspaýy saldarynan demalýshylar tabıǵatqa orasan zor zııan ákelýde. CAMPIT belsendi demalys jónindegi kommıýnıtıdiń negizin qalaýshy Denıs Lýkıanchýk saıahatshylarǵa belsendi demalystyń erejelerin túsindirý kerek deıdi.
«Búginde belsendi demalysty uıymdastyrý úshin arnaıy qosymshalary júktelgen uıaly telefon bolsa, jetkilikti. Taýlar, kólder, shólder, qumdar, jazǵy jáne qysqy taý shańǵysy. Árkim ózine unaıtyn demalysty tańdaı alady. Onyń ústine ınfraqurylym da damýda. 2GIS-tiń ózinen 68 taý jolyn taba alamyz. Tabıǵat aıasynda demalý trendke aınalǵanyn kórip otyrmyz. Damýǵa yntalandyrý bar. Biraq ózin qalaı ustaý kerek ekendigin bári birdeı bile bermeıdi. Mine, osy erejelerdi belsendi túrde nasıhattaý kerek», dep túıindedi belsendi.
Almaty óńiriniń týrıstik klasteri qaýymdastyǵynyń múshesi, «Jibek Joly» JShS dırektory Tımýr Dúısenǵalıev Qazaqstannyń taýlary belsendi demalysty damytý úshin zor áleýetke ıe ekenin aıtady. Spıkerdiń aıtýynsha, Dúnıejúzilik týrıstik uıym (UNWTO) taý aýmaqtaryna degen qyzyǵýshylyqty týrızm nysany retinde rastady. Statıstıkaǵa sáıkes, keıingi jyldary ekologııalyq taza aımaqtarda tabıǵatpen tildesý úshin, ýrbanızasııa mınımaldy áser etilgen jerlerge kelýshiler sany edáýir artqan.
«Biz BUU Turaqty Damý Maqsattaryn qoldaımyz jáne antropogendik júkteýdiń ósý jaǵdaıynda taýly aımaqtardyń osaldyǵyn túsinetin qoǵamdyq birlestikter men uıymdar retinde Kazakh Alpine Club qurǵan bolatynbyz. Sonymen qatar ekologııany saqtaý men halyqaralyq standarttarǵa sáıkes bolý maqsatynda týrısterdiń qaýipsizdigin qamtamasyz etý úshin tıisti ınfraqurylymmen birge belsendi demalý túrlerin damytýdy josparlap otyrmyz. Taý Ombýdsmeni retinde biz barlyq memlekettik jáne basqa da uıymdarmen akkredıtteý, salalyq jáne qoǵamdyq keńesterge kirý arqyly taýly aımaqtardy ıgerý jobalaryn, sonyń ishinde Ulttyq tabıǵı saıabaqtardy, bastamashylarynyń menshik túrine qaramastan ashyq, zańdy túrde talqylaý úshin yntymaqtastyq ornatamyz», dedi spıker.
Aıta keteıik, qazaqstandyq klýb Halyqaralyq Alpi qoǵamdastyǵynyń qundylyqtary men qaǵıdalaryn ustanady. Aldaǵy ýaqytta sheteldik Alpine Club-pen tájirıbe almasý jáne týrısterdi tartý boıynsha belsendi jumys isteý josparlanǵan.
