Astananyń aınalasyndaǵy eldi mekender kórikti bolýǵa tıis. Úkimet basshysy Serik Ahmetov keshe bul talaptyń 30 shaqyrymdyq aýmaq beldeýindegi aýyldardyń problemalarymen qatar, olarǵa úlken múmkindikter áleýetin beretinin málimdedi.
Astananyń aınalasyndaǵy eldi mekender kórikti bolýǵa tıis. Úkimet basshysy Serik Ahmetov keshe bul talaptyń 30 shaqyrymdyq aýmaq beldeýindegi aýyldardyń problemalarymen qatar, olarǵa úlken múmkindikter áleýetin beretinin málimdedi.
Bıyl «Aq bulaq» baǵdarlamasy aıasynda 216 aýyl sýmen qamtamasyz etiledi. Osy baǵytta jerasty sýlaryn izdestirý-barlaý jumystary júrgizilip jatyr. Al keler jylǵy osyndaı jumystar úshin 9,2 mlrd. teńge bólingen.
Shyǵys Qazaqstanda Tuńǵysh Prezıdent kúnine arnalǵan taqyryptyq onkúndik bastaldy. Oblys ákimi Berdibek Saparbaev bastamashy bolyp otyrǵan onkúndik aıasynda 600-ge jýyq is-shara atqarylady. Búgin Shemonaıha qalasynda qazaq tilin meńgergen ózge ult ókilderiniń qatysýymen «Bir Otan, bir til – bir el» forýmy ótedi.
Mańǵystaý oblysynda jyl sońyna deıin eki óndiris ornynyń jobasy aıaqtalady. Oblys ákimi Alık Aıdarbaev «Kaspıı bıtým» jáne «Kaspıı sement» zaýyttary dep atalatyn bul qurylymdardyń 600 turaqty jumys ornyn taýyp beretinin jetkizdi.
Atyraýda jerasty qazynasyn ashqan ǵalym Bılal Hahaevtyń 80 jyldyǵy atalyp ótti. Respýblıkada qyzmet etken jyldarynda munaı-gaz, geologııa, barlaý, óndirý salalaryna qatysty birneshe kásiporyndy biriktirip, qýatty ujymǵa aınaldyrǵan tulǵany oblys ákimi Baqtyqoja Izmuhambetov qabyldap, laıyqty qurmet kórsetti. Toı saltanaty Qurmanǵazy atyndaǵy mádenıet saraıynda jalǵasty.
Qyzylorda qalasyna qarasty Aqjarma aýylynda 10 jas mamanǵa jańa páter kiltteri tabys etildi. «Dıplommen – aýylǵa!» baǵdarlamasy boıynsha júzege asqan sharanyń sońynda qala ákimi Nurlybek Nálibaev bul eldi mekende bıyl bıýdjet esebinen munda 735 metr joldyń ortasha jóndeýden ótkenin de málimdedi.
Aqmola oblysynda aýyldy tańdaǵan árbir jasqa jaǵdaı jasalady. Keshe Sh.Ýálıhanov atyndaǵy Kókshetaý memlekettik ýnıversıtetinde oqý ornyn aldaǵy jyly bitiretin stýdenttermen kezdesken oblys ákimi Qosman Aıtmuhametov osyny aıtty.
«QazAqparat», «Qazaqstan jańalyqtary», Nur.kz, Bnews.kz, TengriNews, EgemenNews habarlary boıynsha daıyndaldy.
