О́ńirdiń Jumyspen qamtýdy úılestirý jáne áleýmettik baǵdarlamalar basqarmasynda jastar praktıkasyna erekshe nazar aýdarylady, onyń sheńberinde jas mamandar tájirıbe alý úshin óndiriske jiberiledi.
"Jyl basynan beri jastar praktıkasyna 2 916 adamdy jiberdik. Bastapqy tájirıbeni alǵannan keıin jas mamandar taǵylymdamadan ótken uıymdarda jumys isteýge qalady nemese ózderi suranysqa ıe jerlerge, biraq birshama bilim jınaqtap jáne usynymdarmen barady", – dep habarlady Aqtóbe oblysynyń JQÚÁBB basshysy Bulbul Eleýsinova.
Keńesary Tileýjan Aqtóbe aýyl sharýashylyǵy kolledjin ınjener-elektrık mamandyǵy boıynsha bitirgen soń jastar praktıkasynan ótken "Áıteke bı energojúıesi" AQ-dan turaqty jumysqa ornalasý týraly usynys aldy.
S. Báıishev atyndaǵy Aqtóbe ýnıversıtetiniń pedagogıka fakýltetiniń túlegi Kórkemjan Eskendirova bastapqy jumys tájirıbesin alý úshin jastar praktıkasyna jiberildi, sodan keıin boıjetkendi qala mektepteriniń birine jumysqa ornalastyrdy.
Aqtóbe oblysynyń JQÚÁB basqarmasynyń málimetinshe, aǵymdaǵy jyldyń 9 aıynda "Eńbek" memlekettik baǵdarlamasyna 42,7 myńnan astam adam qatysty. 34,8 myń adam jumysqa ornalastyryldy, onyń ishinde 23,5 myńy – turaqty jumysqa, 9,5 myńy – qoǵamdyq jumystarǵa jáne 1778 adam sýbsıdııalanatyn jumys oryndaryna tartyldy. 1093 azamat grant jáne 632 adam óz isin damytýǵa mıkrokredıt aldy. 758 azamat qysqa merzimdi kásiptik oqytýdan, al 1085 adam kásiptik-tehnıkalyq oqytýdan ótti. 1400 adam "Bastaý Bıznes" jobasynyń qatysýshysy boldy, onyń 755-i óz isin damytýǵa grant aldy.
Budan buryn habarlanǵandaı, bıylǵy jyly Qazaqstan boıynsha "Eńbek" baǵdarlamasyna 526 myńnan astam adam qatysyp, túrli qoldaý túrlerimen qamtyldy. 338,2 myń adam jumysqa ornalastyryldy, onyń ishinde 189,4 myńy turaqty jumysqa, memleket sýbsıdııalaıtyn jumys oryndaryna 187,3 myń adam jumysqa ornalastyryldy, 9,6 myń adamǵa jeńildikti kredıt jáne 38 myń adamǵa qaıtarymsyz grant berildi, "Bastaý Bıznes" jobasy boıynsha kásipkerlik negizderine qysqa merzimdi oqytýdan 33,2 myń adam ótti.
