Qazaqstan-Qytaı shekarasynda kontrabandamen kúres kúsheıdi. Bul týraly QR Qarjy mınıstrligi Kedendik baqylaý komıteti tóraǵasynyń orynbasary Igor Ten Almaty oblysy aýmaǵyndaǵy «Qaljat» keden beketinde málimdedi. Búgingi tańda «Beket» atty jedel aldyn alý sharasy aıasynda shekaralyq bólimshe arqyly ótetin júkterdi jáne ımporttyq zat tasymaldaıtyn kásipkerlerdiń qujattaryn kedenshiler muqııat tekserýde. Nátıjesinde QHR-dan tolassyz ótkiziletin júk saıabyrsyp, buryn kún saıyn 100 kólikpen tasylatyn qytaı taýary 30-ǵa tústi.
Qazaqstan-Qytaı shekarasynda kontrabandamen kúres kúsheıdi. Bul týraly QR Qarjy mınıstrligi Kedendik baqylaý komıteti tóraǵasynyń orynbasary Igor Ten Almaty oblysy aýmaǵyndaǵy «Qaljat» keden beketinde málimdedi. Búgingi tańda «Beket» atty jedel aldyn alý sharasy aıasynda shekaralyq bólimshe arqyly ótetin júkterdi jáne ımporttyq zat tasymaldaıtyn kásipkerlerdiń qujattaryn kedenshiler muqııat tekserýde. Nátıjesinde QHR-dan tolassyz ótkiziletin júk saıabyrsyp, buryn kún saıyn 100 kólikpen tasylatyn qytaı taýary 30-ǵa tústi.
Elimizdegi jaǵdaıdy taldaý barysynda osyǵan deıin Almaty oblysy, Ile aýdanynda ornalasqan «Alataý» keden beketinen ımporttyq zat ótkizý úshin 200 deklarasııaǵa tapsyrys berilse, qazir bul kórsetkish eki esege tómendedi. Bul zańsyz jolmen sheteldik taýar ótkizýdi toqtatatyn ýaqyttyń jetkenin bildiredi. Shyny kerek, sońǵy ýaqytta jalǵan qujat jasap ımporttyq zat ótkizý jáne sol qujattarynda salyqty az tóleý úshin tasymaldaıtyn zattarynyń atyn ózgertip jazý sekildi qylmystar jıilegen. Almaty oblysy boıynsha kedendik baqylaý departamentiniń málimetine súıensek, sybaılasqan jemqorlyq áreketi úshin atalǵan departamenttiń 8 qyzmetkeri qyzmetinen bosatylǵan. Jyl basynan beri 9 mlrd. teńgeniń ekonomıkalyq kontrabandalyq áreketiniń joly kesilip, bul fakt boıynsha 400 qylmystyq is qozǵalǵan.
Nurbol ÁLDIBAEV,
«Egemen Qazaqstan».
Almaty oblysy.
Sýretti salǵan Aıdarbek Ǵazızuly.
