Aımaqtar • 29 Qazan, 2020

Atyraýda jeńgetaılyqpen aınalysqan áıel bes jyldan keıin túrmege tústi

432 ret kórsetildi

Eki balasy bar áıel bes jyl buryn jeńgetaılyq qyzmet usynyp, prıton ustaǵan eken. Jaqynda ol áıelder túrmesine qamaldy, dep habarlaıdy Egemen.kz.

"Bul áıel 2015 jylǵy qyrkúıekte kámeletke tolmaǵandar isteri jónindegi mamandandyrylǵan aýdanaralyq sotynyń úkimimen QR Qylmystyq Kodeksiniń 309-babymen (Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq) aıypty dep tanyldy.

Oǵan bes jyl merzimge bas bostandyǵynan aıyrý jazasy taǵaıyndalǵan edi. Alaıda sot onyń kishkentaı balalalaryn eskerip, jaza óteý merzimi bes jylǵa keıinge qaldyrǵan bolatyn", deıdi Atyraý qalalyq probasııa qyzmetiniń ınspektory Aızere Daýletbaeva.

Onyń aıtýynsha, bıyl sottalǵan azamatshanyń jazasyn óteý merziminiń shegerilgen ýaqyty aıaqtaldy. Osyǵan baılanysty Atyraý qalalyq probasııa qyzmeti sottalýshynyń jazasyna qatysty sheshim qabyldaý úshin №2 qalalyq sotqa usynym joldady. Sot sheshimimen azamatsha ÝG-157/9 (Atyraý áıelder kolonııasy) mekemesine qamaldy.

Sottalǵan áıeldiń kámeletke tolmaǵan eki balasy týystarynyń qamqorlyǵyna berildi.

 

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar