Oqıǵa • 29 Qazan, 2020

"Astana-LRT" isine qatysty sot prosesi bastaldy

26 ret kórsetildi

Elordada atyshýly "Astana-LRT" isine qatysty sot prosesi bastaldy, dep habarlaıdy Egemen.kz

Atalǵan iske qatysty sottalýshylar qatarynda – 7 adam, taǵy 2 adam – Nur-Sultan qalasy ákiminiń burynǵy orynbasary Sultanbekov pen Astana LRT basshysy Talǵat Ardan qazir halyqaralyq izdeýde. Olardyń barlyǵyna jeńil relsti kólik jobasyn júzege asyrý kezinde 5,8 mıllıard teńge jymqyrdy degen aıyp taǵylyp otyr. Prokýror Jangeldi Esebaev istiń egjeı-tegjeıin shamamen eki saǵat boıy oqydy.

"Amanjolov ákimshilik, qylmystyq jáne azamattyq zańnamada belgilengen shekte quqyq buzýshylyq jasaǵany úshin jeke jaýapty boldy, sondaı-aq bıýdjet qarajatynyń maqsatty paıdalanylýyna baqylaýdy júzege asyrdy. О́z kezeginde Qanat Sultanbekov 2008 jyldyń mamyr aıynan 2009 jyldyń qazan aıyna deıin Astana qalasynyń jolaýshylar kóligi basqarmasyn basqardy. Ol hattamalar men ózge de qujattarǵa qol qoıýǵa, "Astana LRT" JShS jergilikti atqarýshy organnyń ókildigimen baılanysty qajetti is-áreketterdi jasaýǵa quqyly boldy. Ákimdiktiń 2011 jylǵy 18 mamyrdaǵy qaýlysymen Talǵat Ardan bes jyl merzimge "Astana LRT" basqarma tóraǵasy bolyp taǵaıyndaldy. Buǵan deıin ol Astana qalasynyń kólik basqarmasy bastyǵynyń orynbasary qyzmetin atqarǵan. Sultanbekov ózine júktelgen ókilettikterge baılanysty jobanyń iske asyrylý barysy men nátıjelerin jeke ózi baqylap otyrdy", dedi qalalyq prokýrordyń kómekshisi Jangeldi Esebaev.

Aıta keteıik, Talǵat Ardanǵa qatysty tergeý laýazymdyq ókilettikterin asyra paıdalandy degen kúdikpen 2018 jyldyń jazynda bastaldy. Sol kezde sybaılas jemqorlyqqa qarsy qyzmettiń tergeýshileri "Astana LRT" bıýdjet qarajatynan qoldanystaǵy lımıtten 125 mln asyp, merdigerlik uıymdardyń biriniń shotyna 300 mln teńgeden astam qarajat aýdarǵanyn anyqtaǵan.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar