Bir apta ishinde 16 men 24 jas aralyǵyndaǵy 90 jas alǵashqy medısınalyq kómekke, kommýnıkatıvti daǵdylarǵa oqytyldy jáne koronavırýs pandemııasynyń jazǵy tolqynynda aýrýhanalarda jumys istegen eriktilermen kezdesti.
"Volonterler mektebi aıasynda biz úsh ret onlaın-trenıng ótkizdik. Tyńdaýshylar kommýnıkatıvti daǵdylardy ıgerdi, Reseı men Qyrǵyzstandaǵy sheteldik áriptesteriniń tájirıbesimen tanysty, sonymen qatar pandemııa kezinde jumys istegen Qazaqstandaǵy medısınalyq eriktilermen jáne densaýlyq saqtaý salasynyń qyzmetkerlerimen áńgimelesti. Tájirıbelik sabaqta olar alǵashqy medısınalyq kómek kórsetýdi úırendi – bul qan ketýdi toqtatý, kúıikter men jaraqattarǵa kútim jasaý, júrek-ókpe reanımasııasy", dedi jobanyń uıymdastyrýshysy, "Qazaqstannyń medısınalyq jastary" respýblıkalyq qoǵamdyq birlestiginiń vıse-prezıdenti Álıjan Tursyntaı.
Onyń aıtýynsha, bolashaqta "Volonterler mektebiniń" kýrsyn aıaqtaǵan adamdar aýrýhanalar men emhanalardaǵy medısına qyzmetkerlerine kómekke tartylatyn bolady.
Qozǵalysqa qosylýǵa nıet bildirgenderdiń shamamen 80%-y elordalyq medısına kolledjiniń, qalǵany qalanyń basqa orta arnaýly oqý oryndarynyń stýdentteri.
