Kólik shyǵynyn kim óteıdi?

Tilsiz jaýdyń neden týyn­da­­­ǵa­ny ázirge anyqtalyp jatyr. Bol­­­jam boıynsha, nysandaǵy maı tol­­­tyrylǵan bóshkeler ot­tyń qy­zý­­yna shydas bermeı ja­ryl­ǵan. Oqıǵa ornyna jetken 60 arnaýly qyz­metker men 13 tehnıka qyzyl jalynmen tún ja­rymyna deıin ar­palysqan. Temir jabyndylardan jasalǵan angardyń aýmaǵy bet qaratpas ystyq bolǵandyqtan órtti aýyz­dyq­­taý ońaıǵa soqqan joq. Tó­ten­­­shelikter kelgenge deıin to­syn apat­qa tosqaýyl bolsam degen Oleg esim­di azamattyń ózi de órtenip kete jazdaǵan. Aby­roı bolǵanda, de­nesin jeńil ǵana órt sha­lypty.

Túgi qalmaı janyp ketken to­­ǵy­z kólikten bólek nysannyń syrt­­­qy aýmaǵynda turǵan taǵy úsh te­mir tulpar da zardap shekken. Biraq eki kóliktiń ıesi aryz-sha­­­ǵym jazýdan bas tar­typty. Oqı­ǵa oryn alǵan aýmaq­ty tor­ýyl­­­dap júrgen kólik ıele­ri­nen uı­qy qashqan. Zardap shekken eń qym­­­bat kóliktiń quny 10 mln, al eń arzan degeni keminde 2 mln teń­ge turady.

Tehnıkalyq ortalyqqa teje­gi­­shin jóndetýge kelip, aıaq asty jer sıpap qalǵan Baqtybaı Sultan­baev kóligin nesıege alypty. Tu­raq­ty jumysy joq azamat, osy temir tulparymen adam ta­sy­­maldap bala-shaǵasynyń nan-tuzyn ajyratyp otyrǵan. «Kóz aldymda kóligim kókke ush­ty. Saqtandyrý kompanııasy­na ha­barlassam, biz tek jol kó­lik oqı­­ǵasy bolǵan jaǵdaıda ǵana shy­­ǵyndy ótep bere alamyz de­gen­di aıtady. Nesıege alǵan­­dyq­tan bankke de telefon soq­tym. Olar da eshqandaı jeńil­dik jasaı almaıtyndaryn málim­dedi. Jón­deý ortalyǵy shyǵy­ndy bir­den ótep bere alady dege­nge sený qıyn. Munda da nysandy jalǵa alyp ózimiz sekildi jan baǵyp júr­­gen jandar», deıdi Baqtybaı Sultanbaev.

Toǵyz kóliktiń ıesi Áýezov aýda­­nyna qarasty tótenshe jaǵ­daı­­lar bólimine aryz jazǵan. Qu­zyrly orynnyń basshysy Aıdar Sqabaevtyń sózinshe, zertteý qo­ry­tyndysy 10 kúnnen keıin ǵana daıyn bolady. Naqty kel­gen shy­ǵ­yn kólemi de zertteý ju­mys­ta­ry júr­­gizilgennen keıin anyq­talmaq. Qo­­rytyndy daı­yn bol­ǵannan ke­ıin is sotqa ji­be­ri­ledi.

Statıstıkany sóıletsek, jyl saıyn el aýmaǵynda 2 myńnan as­tam avtokólik órtenedi. Bul órtterdiń jalpy sany­nyń 20%-yn quraıdy. Kóp jaǵ­daıda apat elektr sym­da­ry­nyń tozýy men jóndeý orta­lyq­taryndaǵy dánekerleý ju­mys­taryn júrgizý kezinde órt qaýip­siz­digi erejelerin óres­kel buzý sal­darynan týyndaı­tyn kórinedi. Qasa­qana órt qoıý fak­ti­leri de sta­tıs­tıkany to­lyq­tyrýda.

Este bolsa, ótken jyly gaz bal­lon jabdyqtarymen jab­dyq­tal­ǵan kólikterdiń jabyq turaq­tar­­ǵa kirýine tyıym salý týraly tıisti zańnamaǵa tolyqtyrýlar engi­zilgen bolatyn. 2019 jylǵy 13 jeltoqsandaǵy Úkimettiń №921 qaýly­syna saı turǵyn úılerge jáne qoǵamdyq ǵımarattarǵa kirik­­tirilgen jáne japsarlas sa­lyn­­ǵan avtoturaqtarǵa órt qa­ýip­­sizdigi qaǵıdalaryna saı gazben júretin kólikterdi qoıý­ǵa ruqsat joq. Bul talap­tar mem­­le­ke­taralyq jáne Ult­tyq qu­­ry­lys normalarynda kózdel­ge­nin atap ótý qajet. 550 myń kólik resmı túrde tirkelgen mega­po­lıs­te gazben júretin kólikter sany jyl sanap artyp keledi. Únem­di ári eko­logııalyq tur­ǵy­dan tıimdi bolǵanymen mundaı kólik­terdiń órtke beıim bolatyny maman­dar ta­ra­pynan az aıtylyp júrgen joq. Osy tusta joǵary­da biz aıt­qan talaptyń qalaı qada­ǵa­la­nyp jatqany basa nazar aýdarýdy qajet etetindeı.

ALMATY