2 qarasha kúni Sátbaev qalalyq Polısııa basqarmasy patrýldik polısııa vzvodynyń qyzmetkerleri “Sátbaev-Sarykeńgir” tas jolynda qyzmet atqarý kezinde saǵat túngi 03.50 shamasynda úsh azamat mingen avtokólikti toqtatqan. Olardyń barlyǵy bir mekemede jumys isteıtin áriptester bolyp shyqty.
Polısııa qyzmetkerleri atalǵan kólikti tekserý barysynda kóliktiń júk salǵysh bóliginen eki akkýmýlıatordy baıqaǵan. Kólik júrgizýshisi de, onyń seriktesteri de akkýmýlıatorlardyń shyǵý tegin túsindire almady.
Qazirgi tańda atalǵan fakt boıynsha Qazaqstan Respýblıkasy Qylmystyq kodeksiniń 188-babyna (Urlyq) sáıkes qylmystyq is qozǵalyp, tergeý amaldary júrgizilýde. Polısııa qyzmetkerleri urlanǵan zattardyń ıesin anyqtaýda.
