1 qarasha kúni Kırpıchnyı aýylynda ornalasqan “Greenland” demalys bazasynyń janynda patrýldik polısııa qyzmetkerleri 32 jastaǵy “KIA Rio X-Line” avtokóliginiń júrgizýshisin toqtatty, ol kólik quralyn “jeńil” dárejede mas kúıinde basqarǵan jáne kólik quralyn basqarý quqyǵynan aıyrylǵan.
Sol keshte Zınchenko kóshesinde patrýldik polısııa jasaǵy 42 jastaǵy “Opel Vektra” avtokóliginiń júrgizýshisin toqtatty, ol da kólik quralyn “ortasha” dárejede mas kúıinde basqarǵan jáne kólik quralyn basqarý quqyǵynan aıyrylǵan. Júrgizýshiler Aqtóbe qalasy PB ÝUI-ne qamaldy. Eki derek boıynsha QR QK 346-baby 1-bóligi (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy) boıynsha sotqa deıingi tergeý bastaldy.
Esterińizge sala keteıik, 2020 jylǵy 11 qańtarda kúshine engen zańǵa engizilgen jańa ózgeristerge sáıkes, Qazaqstanda buryn kólik júrgizý quqyǵynan aıyrylǵan, mas kúıinde kólik quraldaryn júrgizgen júrgizýshilerge qatysty jaza qatańdatyldy. Osy baptyń sanksııasy bes myń aılyq eseptik kórsetkishke deıingi mólsherde aıyppul salý, nemese sol mólsherde túzeý jumystary, ne bir myń eki júz saǵatqa deıingi merzimge qoǵamdyq jumystarǵa tartý, ne bes jylǵa deıingi merzimge bas bostandyǵyn shekteý, ne sol merzimge bas bostandyǵynan aıyrý, kólik quralyn basqarý quqyǵynan ómir boıyna aıyrý túrindegi jazany kózdeıdi.
Osyǵan baılanysty, Aqtóbe oblysynyń Polısııa departamenti azamattardy alkogoldik jáne esirtkilik masań kúıde kólik quraldaryn basqarmaýdy suraıdy jáne eskertedi, Sizdiń oılastyrylmaǵan áreketterińizden kinásiz adamdar zardap shegýi múmkin.
