Braslet qan qysymyn, ımpýlsti jáne dene qyzýyn ólsheıdi. Eger ol 37,5 gradýstan assa, qurylǵy dereý taı dárigerlerine habarlaıdy. Sondaı-aq braslet týrıst úshin kómekshi bolady. Adasyp qalǵan jaǵdaıda durys baǵytty kórsetedi jáne karantınnen ótýge baılanysty máselelerdi sheshýge kómektesedi.
Jobany Taılandtyń sıfrly ekonomıka jáne qoǵam mınıstrligi birqatar startappen birlesip, júzege asyryp jatyr eken. Týrısterge arnalǵan brasletterdi engizý – alǵash ret qyrkúıekte, uzaq merzimdi vızaǵa úmitkerlerge qoıylatyn talaptar belgili bolǵan kezde paıda bolǵan.
Bul qujatty rásimdeýdiń jalpy quny, shamamen 400 dollar. Elge kem degende 90 kún boıy kire alasyz, onyń alǵashqy eki aptasyn karantınde ótkizesiz. Koronavırýstyń taralýy turǵysynan "qaýipsiz" memleketterdiń azamattary ǵana ótinish bere alady.
