Almaty qalasy Densaýlyq saqtaý basqarmasy basshysynyń mindetin atqarýshy Janar Madeeva atap ótkendeı, Sovid-19-dyń ekinshi tolqynyna daıyndyq aıasynda halyqtyń eń osal toptaryna profılaktıkalyq tekserýler uıymdastyrý týraly sheshim qabyldanyp otyr. Medısınalyq tekserý eń aldymen 65 jastan asqan turǵyndarǵa jasalady. О́ıtkeni naq osy jastaǵy azamattardyń arasynda arterıaldy gıpertenzııa, sozylmaly obstrýktıvti bronhıt, qant dıabeti sekildi sozylmaly aýrýlary bar naýqastar kóp.
«Árbir alǵashqy medısınalyq-sanıtarlyq kómek kórsetý uıymynda jalpy tájirıbe dárigeri, nevropatolog, kardıolog, otolarıngologtan turatyn mýltıdıssıplınarlyq komandalar quryldy. Olar qart adamdardy úıde qarap, qant, holesterın deńgeıin anyqtaıdy, EKG jasaıdy. Bul qajet bolǵan jaǵdaıda emdeýdi túzetýge nemese stasıonarlyq emdeý úshin kórsetkishterdi anyqtaýǵa múmkindik beredi. Bul rette 80 myńǵa jýyq adamdy qamtýdy josparlap otyrmyz», dep atap ótti J.Madeeva.
Eldegi ahýalǵa baılanysty balalardyń uzaq ýaqyt boıy qashyqtan oqyp jatqanyn eskersek, olardyń kópshiligi jyl saıynǵy tekserýden ótý úshin emhanalarǵa barmaǵan. Almaty ákimdigi osy rette 16 jasqa deıingi jetkinshekterdi profılaktıkalyq tekserýden ótkizý máselesine de mańyz berip otyr. alǵashqy medısınalyq-sanıtarlyq kómek uıymdarynda balalardy profılaktıkalyq tekserý úshin pedıatr, nevropatolog, okýlıst, otolarıngolog, balalar hırýrgi dárigerlerinen quralǵan mýltıdıssıplınarlyq komandalar qurylǵan. Qajet bolǵan jaǵdaıda taldaý úıde júrgiziledi. Shamamen 100 myńǵa jýyq jasóspirim jan-jaqty tekserýden ótedi dep josparlanǵan. Ásirese áleýmettik turǵydan az qamtylǵan otbasylardyń balalaryna, múmkindigi shekteýli balalarǵa basa nazar aýdarylǵan. Qazirgi ýaqytta atalǵan uıymdarda nysanaly toptardyń tizimderi jasalyp jatyr.
Almaty qalasynyń óńirlik kommýnıkasııalar qyzmetiniń alańynda ótken onlaın-suhbat barysynda №8 qalalyq emhananyń bas dárigeri Farıda Aǵybaeva nysanaly toptardyń tizimi jasalyp, profılaktıkalyq tekserý júrgizý kestesi bekitilgenin, pedıatr, nevropatolog, otolarıngolog, kardıolog, oftalmolog, balalar hırýrginen quralǵan mýltıdıssıplınarlyq komanda jasaqtalǵany habarlady.
Qabyldaý kezinde jáne aýlalardy aralaý barysynda ýchaskelik dárigerler men medbıkeler jeke gıgıena erejelerin qatań saqtaý, qoldy jıi jýý, medısınalyq maskany qoldaný erejeleri, áleýmettik qashyqtyq, balalardy adamdar kóp jınalatyn oryndarǵa, úlken oıyn alańdaryna jibermeý týraly aqparattyq-túsindirý jumystaryn júrgizedi.
«Emhanada patronajdyq qyzmet kórsetýdiń ámbebap progressıvti modeline sáıkes medbıkeniń erte jastaǵy balalarǵa, onyń ishinde bosanǵanǵa deıingi kezeńde «úıge baryp tekserý» ótkizý júıesi engizildi. Pasıenttiń otbasymen onyń jeke ortasynda kezdesý mamanǵa problemalardy túsinýge jáne durys sheshim qabyldaýǵa erekshe múmkindik beredi», deıdi bas dáriger.
Osylaısha, №36 emhanada 2,5 myń adamdy, onyń ishinde 1,5 myń 16 jasqa deıingi bala men qalǵan dıspanserleýdi qajet etetin 65 jasqa kelgen azamattardy profılaktıkalyq tekserýmen qamtý josparlanǵan. Shahardyń Naýryzbaı aýdanynda ornalasqan №36 emhananyń bas dárigeri Gúljaınat Tilegen bul prosedýra jyl boıy skrınıngten ótpegen halyqtyń basym bóligin qamtýǵa múmkindik beretinin atap ótti.
«65 jáne odan joǵary jastaǵy turǵyndardy, sondaı-aq 16 jasqa deıingi balalardy josparly dıspanserleýge baılanysty ýchaskelik dárigerler men arnaýly mamandardan turatyn 2 mobıldi brıgada quryldy. Bul aksııa erte bastan qandaı da bir patologııany anyqtaýǵa, sondaı-aq koronavırýs ınfeksııasyn juqtyrý kúdigi bar jáne onymen aýyrǵandardy anyqtap, olardy úıde qarap, tıisti em berip, monıtorıngtik baqylaýǵa alýymyzǵa múmkindik beredi», deıdi G.Tilegen.
ALMATY
