Djo Baıden "Amerıkada daýys berý kezi qasıetti" ekenin aıtyp, amerıkalyqtardy sabyrǵa shaqyrdy.
"Sondyqtan men bárin sabyrǵa shaqyramyn. Barlyq adamdy. Prosess júrip jatyr. Sanaý aıaqtalýǵa jaqyn", dedi Baıden.
Djo Baıden saılaýda berilgen árbir daýysty sanaý keregin jáne ony qamtamasyz etýge tyrysatynyn atap ótti.
"Ár daýysty eskerý kerek. Biz muny qamtamasyz etemiz. Osylaı bolýy da kerek. Sanaý aıaqtalǵan kezde senator (vıse-prezıdenttikke kandıdat, Kamala) Harrıs ekeýmiz jeńimpaz retinde jarııalanatynymyzǵa kúmánimiz joq", dedi burynǵy vıse-prezıdent teledıdarda aıtqan úndeýinde.
Eske salaıyq, seısenbide AQSh-ta prezıdent saılaýy ótti, respýblıkashyl Donald Tramp pen demokrat Djo Baıden Aq úıdiń basshysy bolýǵa úmitker. Birqatar shtatta daýys berý nátıjeleri áli belgisiz. Al Tramp sársenbige qaraǵan túni óziniń jeńetinin málimdedi jáne demokrattardy "saılaýdy urlaýǵa" tyrysty dep aıyptady. Amerıkalyq jetekshi telearnalardyń esepteýlerine sáıkes, ázirshe Djo Baıden kósh bastap tur.
