Búkilálemdik saýda uıymyna kirý úshin Qazaqstan aýylsharýashylyq salasyn damytýdy qolǵa alyp otyr, ıgi istiń bastamasy retinde Shákárim atyndaǵy memlekettik ýnıversıtetiniń uıymdastyrýmen «Semeı Agro-2013» kórmesi uıymdastyrylýda dedi rektordyń kómekshisi Zeınolla Toqaev oblystaǵy agrobıznes ónimderiniń kórmesi ashylý barysynda.
Búkilálemdik saýda uıymyna kirý úshin Qazaqstan aýylsharýashylyq salasyn damytýdy qolǵa alyp otyr, ıgi istiń bastamasy retinde Shákárim atyndaǵy memlekettik ýnıversıtetiniń uıymdastyrýmen «Semeı Agro-2013» kórmesi uıymdastyrylýda dedi rektordyń kómekshisi Zeınolla Toqaev oblystaǵy agrobıznes ónimderiniń kórmesi ashylý barysynda.
Elimiz boıynsha tuńǵysh ret qolǵa alynyp otyrǵan kórmeniń tusaýyn kesken Reseı memlekettik agrarlyq ýnıversıteti, zooveterınarııa fakýltetiniń dekany Iýsýp Iýldashpaev ýnıversıtet rektory, saıasattaný ǵylymdarynyń doktory Sháripbek Ámirbekovke qolǵa alǵan jumystaryna, ýaqyt talabyna saı irgeli mamandar daıyndap shyǵarýlaryna tabystar tilep, keler jyly da el ekonomıkasyna úles qosar osynaý kórmeniń jalǵasyn tabatyndyǵyna senim bildirdi. Bul jerden traktor, tirkeme sııaqty qajetti tehnıkalardy, aýyldardan jetkizilgen tórt túlik maldy, qustardy jáne taǵy basqalaryn tamashalaýǵa bolady.
Kórmeniń ashylý saltanatyna oblystyq aýylsharýashylyq basqarmasynyń bastyǵy Dúısenbaı Selıhanov qatysyp, osy jıynǵa alystan at aryltyp kelgen úlgili sharýa qojalyqtaryna aldaǵy ýaqytta qarjylaı jáne basqa da jaǵynan kómek bolatyndyǵyn aıtty. Qaladaǵy «Úsen» sharýa qojalyǵynyń tóraǵasy Ǵabbas Qusaıynovtyń aıtýynsha, qoı malyn asyldandyrýdy qolǵa alý – abzal is. Sharýa qojalyqtary men jekemenshiktegi maldardyń sapa jaǵynan bir-birinen kem túspeı, biryńǵaı joǵary deńgeıde bolǵany mańyzdy. Munda Abaı aýdany 36 bas qoı malyn, al Semeıdiń «Shóptiqaq», «Azat», «Lazarev», «Muqınov» qojalyqtary 12 bas jylqy ákelse, Borodýlıha, Besqaraǵaı aýdandary 18 bas iri qara jetkizipti. Semeı et kombınatynyń shujyqtary men Broıler fabrıkasynyń qus eti ónimderi de osy jerde.
Kórmege qatysqandar aýylsharýashylyq ónimderin qalaı jaqsartamyz, mal basyn qalaı kóbeıtý kerek mine, osy taqyryptarda pikir almasty. Agroónerkásipti damytý el saıasatynyń mańyzdy bóligi. Sondyqtan da ýnıverstıtettiń 60 jyldyq tarıhy bar agrarlyq fakýltetiniń osynaý kórmesin uıymdastyrýǵa atsalysqan qala ákimi Aıbek Kárimov ózi túlegi bolǵan oqý ornynyń mamandardy daıarlaýdaǵy eńbekterin erekshe atap ótti. «Aldaǵy ýaqytta Semeıge Astana, Almaty, Qostanaı, Oral, Pavlodar qalalarynan stýdentter kelip, mal jáne egin sharýashylyǵyn ıgerýge baılanysty bilimderin keńeıtpek. Buǵan ýnıversıtet qolǵa alyp otyrǵan akademııalyq utqyrlyq baǵdarlamasy kómegin tıgizbek», – dedi agrarlyq fakýltet dekany Bolatbek Kójebaev. – Sebebi, qazir elimizde aýylsharýashylyq tehnıka, tehnologııa salasy mamandary tapshy bolyp otyr. Stýdentter et jáne sút tehnologııasy, aýylsharýashylyq ónimderin óńdeý boıynsha Semeıde mamandanatyn bolady.
Raýshan NUǴMANBEKOVA.
SEMEI.
Sýretti túsirgen avtor.
