Almaty qalalyq Jas Otan Jastar qanatynyń jáne qalalyq Qoǵamdyq damý basqarmasynyń qoldaýymen «Volonterler alleıasy» Jetisý aýdanynyń «Gúlder» saıabaǵynan oryn tepti. Igi sharaǵa jıyrmadan astam volonter uıymynyń jetekshisi men belsendi músheleri qatysyp, shyrsha aǵashynyń kóshetterin otyrǵyzdy.
– Elimizde ashylyp jatqan alǵashqy «Volonterler alleıasynyń» sımvoldyq máni erekshe. Birinshiden, qala ekologııasyna jáne kógaldanýyna úles qosý. Ekinshiden, koronavırýs pandemııasy kezinde qala turǵyndaryna kómek kórsetip, eńbek etken volonterler uıymdaryn qala turǵyndaryna tanytý, dáripteý. Sharany ótkizýdegi basty maqsat – «Volonter jylynyń» aıasynda qalamyzdaǵy barlyq belsendi eriktiler uıymynyń basyn biriktirý. Qala ákiminiń «Jasyl Almaty» jobasyn júzege asyryp, ekologııamyzdyń jaqsarýyna úles qosý. Alleıa jyldan-jylǵa jańa aǵashtarmen tolyǵyp, volonterler uıymynyń sany arta beredi degen oıdamyn, – deıdi Almaty qalalyq Jas Otan Jastar qanatynyń tóraǵasy Mádı Ahmetov.
Ásem alańqaıdyń ashylý saltanatyna megapolıstiń belsendi turǵyndary men Jetisý aýdanynyń aqsaqaldary, sondaı-aq máslıhat depýtattary qatysty.
ALMATY
