Jol kartasy jurtty jumyspen qamtydy

«Jumyspen qamtýdyń jol kar­tasy-2020» baǵdarlamasy aıasynda qolǵa alynǵan iske ju­mys­shylardyń kóbi jergilikti jer­degi turǵyndardyń ishinen tar­tylǵan. Olardyń jalaqysy 85 257 teńge dep belgilengen. Tek arnaıy mamandar shetten baryp, ýaqytsha qyzmet etedi. Olarǵa merdiger kompanııa kelisimshart negizinde úsh kún ishinde 85 myń teńge áleýmettik kóterme aqysyn berýi tıis. Al О́skemen qalasynda kóterme aqy bul belgilengen mólsherden joǵary.

Halyqtyń ál-aýqatyn arttyrý úshin uıymdastyrylǵan baǵ­darlamanyń jumystaryna az-kem toqtalyp ótsek, óńirde kóp­tegen ıgi is atqarylyp jatyr. Tur­­ǵyn úı-kommýnaldyq sharýa­shy­lyǵy salasynda «Jumys­pen qam­týdyń jol kartasy» baǵ­dar­­la­masy aıasynda 214 joba qol­ǵa alynypty. Energetıka jáne tur­ǵyn úı-kommýnaldyq shar­ýa­shy­lyq basqarmasy basshy­sy­nyń orynbasary Nurlan Rama­za­novtyń aıtýyn­sha, oblysta sýmen jabdyqtaý jáne sý burý je­li­lerin qaıta qurý jáne aǵym­daǵy jóndeý boıynsha 49 joba, jylý­men jabdyqtaý nysandary bo­ıynsha 18 joba, elektrmen jab­dyqtaý boıynsha 5 joba jáne abat­tandyrý boıynsha 142 joba iske asyrylyp jatqan kórinedi.

– О́skemen, Semeı, Altaı qalalarynda, sondaı-aq Aıagóz, Abaı, Tarbaǵataı, Borodýlıha, Shemonaıha, Besqaraǵaı, Jarma jáne Zaısan aýdandarynyń sýmen jabdyqtaý jáne sý burý jelilerine, Aıagóz, Borodýlıha, Katon­qaraǵaı, Ulan jáne Altaı aýdandarynyń jylýmen jab­dyqtaý jáne jylý kózderi jeli­lerine, Rıdder qalasynda jáne Úrjar, Ulan aýdandarynyń elektrmen jabdyqtaý jelilerine jón­deý jumystary júrgizildi, – dep atap ótti N.Ramazanov.

Sondaı-aq balalar fýtbol alańdary, hokkeı korttary men vorkaýt alańdary ornatyldy. Saıa­baqtar men skverlerge kógal­dan­dyrý jáne jóndeý jumystary júr­gizildi. Oblystyń barlyq qa­la­­lary men aýdandary abattandyryldy.

Bıyl Jarma aýdanynda túrli deńgeıdegi 60 joba júzege asyrylyp jatyr. Onyń ishinde jalpy quny 3 mlrd 679 mln teńgeni quraıtyn ınvestısııalyq jobalar bolsa, odan bólek kúrdeli jáne aǵymdaǵy jóndeý jumystary da bar. Túptep kelgende, bul jumys­tar aýdannyń ınjenerlik ınfra­qurylymyn damytyp qana qoı­maı, áleýmettik-ekonomıkalyq ahýalyna aıtarlyqtaı ózgerister engizýi tıis.

Jarma aýdanynda «Jumyspen qamtýdyń jol kartasy» baǵdar­la­masy aıasynda 25 jobany iske asyrýǵa 656 mln teńge bólingen. Sonyń nátıjesinde aýdanda 174 jańa jumys orny qurylǵan. Búginge deıin 20-dan asa joba oryndalǵan. Onyń ishinde eldi meken­derdiń ishki joldaryn qal­py­na keltirý jumystary da bar. Mysaly, Qalbataý aýylynyń úsh kóshesine jáne Shardaǵy Qabanbaı batyr kóshesine ortasha jóndeý jumystary júrgizilgen. Buǵan qosa Qalbataý, Shar, Áýezov eldi mekenderindegi birqatar kóshege jaryq tartylǵan.

Sondaı-aq Besqaraǵaı aýda­nyn­da da joldar jóndelip, kóshe­ler jaryqtandyrylyp jatyr. Bıyl Besqaraǵaıda jol kartasy aıasynda 6 birdeı aýyl­dyń kóshesine jaryq tartyldy. Úsh aýyldyń joly ortasha jón­deý­den ótti. Besqaraǵaı aýy­lyn­daǵy Áýezov, Jabaev, Shevsov, Táýel­siz­dik kósheleri, Glýhovka aýy­lynyń Abaı, Pıoner jáne Sovet kósheleri jóndeldi. Bul ju­mys­tarǵa 137 mln teńge jum­salǵan eken.

Al Katonqaraǵaı aýdanynda jalpy quny 6 mlrd teńge bolatyn 76 joba júzege asyrylyp jatsa, onyń ishinde 24 joba «Jumyspen qamtýdyń jol kartasy-2020» baǵdarlamasy aıasynda qolǵa alynǵan. Osy rette aıta keterligi, 20 mektep jáne 6 mádenı nysan jóndelgen. Sondaı-aq aýdan joldarynyń 30 shaqyrymyna asfalt tóseldi.

Kókpekti aýdanynda da avto­mo­bıl joldaryna ortasha jón­­­deý jumystary júrgizil­gen. Bul aýdannyń 50 eldi me­ke­nin baılanys­tyratyn aýdan­dyq ma­ńy­zy bar avtomobıl jol­da­ry­nyń 72,5%-y – qanaǵat­ta­nar­lyq jaǵdaıda. Aýdan basshy­ly­ǵy­nyń josparlaýynsha, 2025 jylǵa deıin joldardyń 95%-y jaqsy jaǵdaıǵa jetýi tıis. Bıyl «Jumyspen qamtýdyń jol kartasy» baǵdarlamasy aıasyn­da Preobrajenka – Shuǵyl­baı aýyl­daryna ortasha jón­deý jumys­ta­ry júrgizildi. Úlken­bóken – Kókjaıyq – Úlgili malshy avtomobıl jolynyń 54 sha­qyry­myna aǵym­daǵy jóndeý júr­gizildi. Bir­ne­she aýyldyń kire­beris­teri te­gis­­teldi.

Bul baǵdarlama boıynsha Altaı aýdanynyń kóptegen aýyldyq mek­­tebinde jyly dárethanalar or­na­tý máselesi sheshildi. Olardyń ishin­de Oktıabrsk kentindegi mektep te bar. 1957 jyly salynǵan oqý ǵımaratynda osy ýaqytqa deıin dárethana bolmaǵan edi. Aýdan halqy, ata-analar «Jumys­pen qamtýdyń jol kartasy-2020» baǵ­darlamasy arqyly bul máse­le­niń sheshilgenine qýanyshty.

Abaı aýdanynyń Qaraýyl aýy­lyndaǵy 27 páterli turǵyn úı­diń aýlasy, sondaı-aq Qunan­baı kóshesi abattandyrylyp, Zere, Súndetbaı, Qutjanov kóshe­leriniń kóshe jaryǵyna aǵym­daǵy jóndeý júrgizildi, Bek­bosynov jáne Áıgerim kóshe­lerine jaryqtandyrý tartyl­dy. Al Aıagóz qalasynda 8 sport­tyq vorkaýt alańdary ashy­lyp, aýlalardy abattandyrý ju­mys­ta­ry júr­gizilýde. Borodý­lıha aýda­ny­­nyń Belaǵash jáne Zen­kovka aýyl­­darynda da kóshe­ler­ge jaryq tar­tyldy.

Sonymen qatar áleýmettik qor­ǵ­aý boıynsha 66 joba josparǵa engizilgen. Sonyń biri – Semeıdegi áleýmettik qorǵaý jáne jumyspen qamtý bólimine lıft ornatyldy. Bul da kópten beri sheshilmeı kele jatqan kúrmeýi qıyn másele edi.

Jalpy, oblysta 817 ınfra­qury­lymdyq jobany júzege asyrý úshin 77 mlrd teńge bólingeni belgili. «Jumyspen qamtýdyń jol kartasy» baǵdarlamasyn iske asyrýda О́skemendegi áýejaı qaıta jańardy, eki jataqhana paıdalanýǵa berildi, Semeıdegi onkologııalyq dıspanserdiń ra­dıo­­logııalyq ortalyǵynyń qury­lysy aıaqtaldy, О́skemendegi ob­lys­tyq aýrýhana men kópsalaly on­ko­­logııa jáne hırýrgııa orta­ly­ǵy qaıta jańartyldy.

Baǵdarlama boıynsha 15 bilim berý nysany jańartylýda. Bıyl bilim berý nysandaryn jón­deý­degi eń aýqymdy jumystar Glý­bo­koe aýdanynyń birneshe eldi mekenderinde júrgizilip jatyr. Kóp jyldar boıy kúrdeli jón­deýdi kórmegen mektep ǵıma­rat­ta­ry retke keltiriledi.

Bıyl «Nurly jer» memleket­tik baǵdarlamasy boıynsha «Ju­mys­pen qamtý jol kartasy» aıa­syn­­daǵy jobalardy eskere oty­ryp, oblysta jalpy aýdany 533 myń sharshy metr 6 454 páterge arnalǵan 118 kóppáterli úıdiń qu­rylysy júrgizilip jatyr. Oblys­tyq qurylys, sáýlet jáne qala qurylysy basqarmasynyń basshysy Áset Súleımenovtiń aıtýyn­sha, «Jumyspen qamtýdyń jol kar­tasy» boıynsha bir qabatty úı­lerdi, sondaı-aq jalǵa beriletin jáne kredıttik turǵyn úılerdi paı­dalanýǵa berý josparlanýda.

Besqaraǵaı aýdanynda jańa sporttyq nysandar paıda boldy. «Jumyspen qamtýdyń jol kartasy» baǵdarlamasy boıynsha 3 fýtbol alańy ornatyldy. Esterińizge sala ketsek, bul baǵ­dar­lamany júzege asyrý úshin Bes­qaraǵaı aýdanynda 27 joba boıynsha jóndeý-qurylys ju­mys­taryna 531,2 mln teńge bó­lin­gen. Borodýlıha aýdanynda da bir­ne­she aýyldyń kósheleri ja­ryq­tanyp, aýyldarda shaǵyn fýtbol alańdary paıda boldy.

Búgingi tańda Rıdder jáne Kýr­chatov qalalarynda, sondaı-aq Glýbokoe, Jarma, Zaısan, K­a­­tonqaraǵaı, Kúrshim, Tarba­ǵa­taı jáne Ulan aýdandarynda «Jumyspen qamtýdyń jol karta­sy» baǵdarlamasynyń jobalary tolyq aıaqta­lyp, salyn­ǵan, jóndelgen barlyq nysan paı­dalanýǵa berildi. Negi­zi­nen bul – ha­lyqty nátıjeli jumyspen qamtýǵa baǵyttalǵan daǵ­darysqa qarsy baǵdarlama. Nátı­jesinde tozǵan ǵımarattar qaıta jóndelip, aýyldyń ajaryn asha tústi. Qan­sha­ma áleýmettik, sport­tyq nysandar boı kóterdi. Taǵy bir mańyzdy má­seleniń biri – kóptegen adam ju­mys­pen qam­tyldy.