Osyǵan baılanysty, ákimdiktiń 2019 jylǵy 26 naýryzdaǵy qaýlysymen balalar úıi qıyn ómirlik jaǵdaıdaǵy balalardy qoldaý ortalyǵy bolyp qaıta quryldy. Sonymen qatar balalardy ortalyqtan turaqty turý toptarynan "SOS Astana balalar aýylyna" otbasylyq tárbıemen aýystyrý týraly sheshim qabyldandy.
Osy maqsatta Nur-Sultan ákimdigi, "SOS Qazaqstannyń balalar aýyldary" korporatıvtik qory, Qazaqstan Respýblıkasy Bilim jáne ǵylym mınıstrligi Balalardyń quqyqtaryn qorǵaý komıteti, "Ana úıi" QQ, qıyn ómirlik jaǵdaıdaǵy balalardy qoldaý ortalyǵy arasynda memorandýmǵa qol qoıyldy.
"Jyl basynan beri 29 oqýshy aýylǵa aýystyryldy. 2020 jyldyń sońyna deıin qalǵan 22 tárbıelenýshini aýystyrý josparlanyp otyr. Osy máselede bizdi qoldaǵan "Ana úıi" qoǵamdyq qoryn atap ótkim keledi. Olar aýyldyń 10 úıinde jáne qazandyqta aqysyz negizde kúrdeli jóndeý júrgizdi, endi taǵy eki úıde jóndeý jumystary júrgizilýde", dedi qorǵanshylyq jáne qamqorshylyq bóliminiń basshysy Gúlim Júsipova.
Ortalyqtyń fýnksııalary kúsheıtildi, olar qolaısyz otbasylarǵa, qıyn ómirlik jaǵdaıǵa tap bolǵan otbasylarǵa áleýmettik, quqyqtyq jáne psıhologııalyq-pedagogıkalyq qoldaý kórsetýge, áleýmettik jetimdiktiń aldyn alýǵa baǵyttalǵan.
Qalada barlyǵy jetim jáne ata-anasynyń qamqorlyǵynsyz qalǵan 860 bala tirkelgen. Onyń ishinde 604 bala qorǵanshylyq pen qamqorshylyqta, 79 bala patronattyq tárbıede, 4 bala patronattyq otbasylarda, 173 bala jetim balalar men ata-anasynyń qamqorlyǵynsyz qalǵan balalarǵa arnalǵan mekemelerde.
