Burynǵy Semeı synaq polıgonynyń tehnıkalyq alańdary men QR Ulttyq ıadrolyq ortalyǵynyń ǵylymı-zertteý bazasyn aralaǵannan keıin jumys kezdesýi ótkizildi.
Jınalysty asha otyryp, QR UIаO bas dırektory Erlan Batyrbekov Ulttyq ıadrolyq ortalyqtyń ıadrolyq qarýdyń taralýyna jol bermeýge baǵyttalǵan MAGATE-men kópjyldyq yntymaqtastyqty joǵary baǵalaıtynyn atap kórsetti. MAGATE-niń qoldaý kórsetýiniń arqasynda kásiporyn negizinde ıadrolyq qarýdy taratpaý, ıadrolyq energetıkanyń qaýipsizdigin qamtamasyz etý salasyndaǵy mańyzdy memlekettik mindetter júzege asyryldy.
Mysaly, burynǵy Semeı synaq polıgonynyń aýmaǵyn radıoekologııalyq zertteý jobasy men Aqtaýdan BN-350 reaktorynyń paıdalanylǵan otynyn «Baıkal-1» alańyna tasymaldaý jónindegi jobalar eń úzdikter qataryna jatady.
- Atom energııasy jónindegi halyqaralyq agenttiktiń QR Ulttyq ıadrolyq ortalyǵyndaǵy reaktorlardy jańǵyrtý jáne tómen baıytylǵan ýran otynyna aýystyrý jumystaryn júrgizýine jan-jaqty qoldaý kórsetýi yntymaqtastyqtyń mańyzdy baǵyty bolyp tabylady,-dedi Erlan Batyrbekov,- MAGATE-niń tikeleı qatysýymen IVG.1M zertteý reaktorynyń aqparattyq-ólsheý júıesi jańǵyrtyldy. IVG.1M reaktorynyń JBÝ-otynyn Reseı Federasııasyna áketý boıynsha da járdem kórsetilýde. Sondaı-aq IGR reaktorynyń sáýlelengen ýran-grafıtti JBÝ-otynyn suıyltý men kádege jaratýdyń biregeı tehnologııasyn ázirleýge ádistemelik kómek kórsetilýde, ony da atap ótken jón.
О́z kezeginde Massımo Aparo osy sapardy uıymdastyrǵany úshin jáne burynǵy Semeı synaq polıgony obektilerin aralaý múmkindigine ıe bolǵany úshin Ulttyq ıadrolyq ortalyqqa alǵys bildirdi. MAGATE burynǵy Semeı synaq polıgonynyń aýmaǵyn qaýipsiz kúıge keltirý boıynsha júrgizilgen jumystardyń nátıjelerin joǵary baǵalady. Sondaı-aq, sheteldik qonaqtarǵa QR UIаO zertteý bazasynda atom energetıkasyn damytý men radıoekologııa jáne basqarylatyn termoıadrolyq sıntez tehnologııalary salasynda júrgizilgen jumystardyń ǵylymı-tehnıkalyq nátıjeleri de jaqsy áser qaldyrdy.
Kýrchatov
