Aımaqtar • 12 Qarasha, 2020

Mańǵystaýda sońǵy aptada 5 adam Cobid-19, 38 adam vırýstyq pnevmonııa juqtyrǵan

19 ret kórsetildi

Mańǵystaýda sońǵy aptada 5 adam koronavırýs ınfeksııasyn juqtyryp,  38 adam koronavırýstyq pnevmonııaǵa shaldyqqan. Bul týraly qoǵamdyq kommýnıkasııa ortalyǵynda ótken brıfıngte oblystyq taýarlar men kórsetiletin qyzmetterdiń sapasy men qaýipsizdigin baqylaý departamenti bóliminiń bas mamany Aqylbek Qulshaǵazıev málim etti.

Onyń aıtýynsha, búgingi tańda Mańǵystaý oblysynyń aýmaǵynda koronavırýs ınfeksııasy boıynsha epıdemıologııalyq jaǵdaı qolaıly bolyp otyr. Atap aıtsaq, sońǵy aptada (04.11-10.11) Mańǵystaý oblysy reprodýktıvti kórsetkish boıynsha jasyl aımaqta.

О́ńirde 11 qarashadaǵy jaǵdaıǵa sáıkes, PTR tásilimen memlekettik jáne jeke menshik zerthanalarda (barlyǵy - 5) 148584(bir kúnde 1424 analız) adam tekserilip, onyń 3410 oń nátıje berdi. Ulttyq saraptama ortalyǵynda búgingi tańda  23321  test  synamasy bar.

Oblysta 17 tamyzdan bastap 24 monıtorıng toby quryldy. Búgingi tańda monıtorıng tobymen 723 reıd júrgizilip, 1537 nysan tekserildi. Reıd barysynda 127 nysanda buzýshylyqtar anyqtalyp, 99 ( 14 jeke kásipker, 46 jeke tulǵa, 1 zańdy tulǵa) ákimshilik hattama (6 mln. 708870t.)  toltyryldy.

6-qazannan bastap, О́zbekstan  elimen «Tájen» avtomobıl ótkizý pýnkti arqyly 6119 avtokólik jáne jaıaý jolaýshylar kirdi. Onyń ishinde: Tranzıttik avtokólik 5838,  Qazaqstan Respýblıkasyna 216 avtokólik, 61 jolaýshy (24 jolaýshy PTR analızsiz, al 37 jolaýshy PTR analızimen), 4 tranzıttik jolaýshy ótti.  Tekserilgen 24 azamattyń ishinen 2 oń nátıje anyqtaldy. Ekeýinde de vırýstyń shaǵymsyz túri bolǵandyqtan, olar úı karantınine alyndy. 

«Aqtaý halyqaralyq áýejaıy arqyly shet elderden 1304 jolaýshy ushyp keldi. Onyń ishinde 106 jolaýshyda PTR analızi bolmaýyna baılanysty, olar oqshaýǵa alynyp, koronavırýsqa tekserildi. Qorytyndylary teris», - dedi Aqylbek Qulshaǵazıev.

Baspasóz konferensııasynda  Mańǵystaý oblystyq aýrýhanasynyń dáriger epıdemıology Mereı Sısenov te qatysty. Ol óz kezeginde turǵyndardy jaýapkershilik tanytyp, sanıtarlyq erejerelerdi saqtaýǵa shaqyrdy.

«Maýsym, shilde aılarynda biz bastan keshirgen qıyndyqtardan sabaq alý maqsatynda aýrýdyń aldyn-alý sharalaryn qatań ustanýymyz qajet. Áýeli, turǵyndar oqshaýlanýy mindetti. Adam kóp shoǵyrlanatyn aımaqtarǵa barýdy shekteý jáne jeke bas gıgıenasyn saqtaý - bizdiń basty mindetimiz. Koronavırýstyq ınfeksııa ókpe, tynys joldary arqyly juǵatynyn bilemiz. Osy oraıda, tynys joldarynyń gımnastıkasyn jasaý da asa mańyzdy», - dedi Mereı Sısenov.

 

 

Mańǵystaý oblysy

Sońǵy jańalyqtar

Inflıasııanyń beti qaıtpaı tur

Ekonomıka • Búgin, 20:00

Sıfrlyq damý vıse-mınıstri taǵaıyndaldy

Taǵaıyndaý • Búgin, 19:45

Memleket basshysy Asqar Mamındi qabyldady

Prezıdent • Búgin, 18:13

«Tobyl» alty fýtbolshymen qoshtasty

Fýtbol • Búgin, 17:45

Depýtattar nege tártipke baǵynbaǵan?

Aımaqtar • Búgin, 17:10

Kıim óndirisinde ımporttyń úlesi artqan

Ekonomıka • Búgin, 15:29

Pavlodarda er adamdy poıyz qaǵyp ketti

Aımaqtar • Búgin, 15:23

Uqsas jańalyqtar