Máselen, Baızaq aýdanynyń aýmaǵynda ornalasqan, «Sadýov» jeke kásipkerligine bekitilip berilgen«Voınskoe» balyq sharýashylyǵy sý aıdynyna 3000 dana jáne «Qazfosfat» jaýapkershiligi shekteýli seriktestigine bekitilip berilgen «Iýbıleınoe» balyq sharýashylyǵy sý aıdynyna 30 000 dana tuqy tuqymdas shabaqtar jiberildi. Sondaı-aq, Jambyl aýdany aýmaǵynda ornalasqan «Jasórken-1» balyq sharýashylyǵy sý aıdyny 2013 jyly 27 maýsymda Jambyl oblysy ákiminiń qaýlysymen «Eshenkýlov R.A.» jeke kásipkerligine bekitilip berilgen. Kezekti balyqtandyrý kezinde munda da 5000 dana tuqy tuqymdas shabaqtar jiberildi. Al, 2019 jyly 3 maýsymda Jambyl oblysy ákiminiń qaýlysymen «Bolashaq» sharýa qojalyǵyna bekitilip berilgen «Shaıdana» balyq sharýashylyǵy sý aıdyny Jambyl aýdanynyń aýmaǵynda ornalasqan. Kezekti balyqtandyrý jumysy boıynsha bul jerge de 4200 dana tuqy tuqymdas shabaqtar jiberildi. Talas aýdanynda ornalasqan «Aqkól» balyq sharýashylyǵy sý aıdyny «Qoıshybaı Ata» sharýa qojalyǵyna bekitilip berilgen. Osy sý aıdynyna 15 000 dana tuqy tuqymdas shabaqtar jiberildi. Atalǵan sý aıdyndaryna jiberilgen shabaqtar «Sandel» sharýa qojalyǵynyń balyq ósirý tálimbaǵynan alynǵan.
Sonymen qatar, Talas aýdanyndaǵy taǵy bir sý aıdyny «Pıoner» balyq sharýashylyǵy sý aıdyny. Bul 2019 jyly 3 maýsymda Jambyl oblysy ákiminiń qaýlysymen «KOKTAL AGRO-HALL» jaýapkershiligi shekteýli seriktestigine bekitilip berilgen. Atalǵan sý aıdynyna 8000 dana tuqy tuqymdas, karas jáne aq amýr shabaqtary jiberildi. Shabaqtar oblys aýmaǵyndaǵy «Rzaev» jeke kásipkerligine bekitilip berilgen «Kaskad Shómish» balyq sharýashylyǵy sý aıdynynan alynǵan.
