Tarıhı orynda qazba jumystaryn júrgizgen ǵalymdar tereńdigi shamamen 12 metrlik úsh mazaratty qazǵan. Pálenbaı jyl ótkenine qaramastan, jádigerler óte jaqsy saqtalǵan eken.
Ǵalymdardyń boljamyna súıensek, bul jerde jergilikti aǵashtan jasalǵan sarkofagty shyǵaratyn úlken sheberhana bolýy múmkin. Ázirge zertteýshiler ony izdestirýin jalǵastyra bermek. Alda-jalda tabyla qalsa, óte qundy artefaktke aınalmaq.
Mamandar Pıramıdalardan ońtústikke qaraı 16 shaqyrym jerde ornalasqan Sakkaranyń alyp qorymynda birneshe aı boıy júrgizip jatqan qazba jumystaryn toqtatqan joq. Ol jerge jaqyn mańda osy órkenıettiń gúldenýi kezinde Ejelgi Mysyrdyń astanasy bolǵan Memfıs ornalasqan. Ǵalymdardyń aıtýynsha, ázirge Sakkarada jasyrynyp jatýy múmkin artefaktilerdiń tek bir paıyzy ǵana tabylǵan.
