"Statıstıkaǵa sáıkes (2019 jyl), Nur-Sultanda 14 pen 35 jas aralyǵyndaǵy 250 000-ǵa jýyq adam turady. 1000-nan astam stýdent volonterlikpen aınalysady", dedi "Astana jastarjastar resýrstyq ortalyǵy uıymdastyrý bóliminiń jetekshisi Araılym Saparáli.
Elordada joǵarǵy oqý oryndarynda jastar isi jónindegi 16 komıtet jáne kolledjderde 35 jastar keńesi jumys isteıdi. Olar bilim berý mekemeleri qabyrǵasynda stýdentterdiń bos ýaqytyn uıymdastyryp, jastardyń bos ýaqytyn tıimdi paıdalanýdy qamtamasyz etedi. Mysaly, Turan-Astana Ýnıversıtetiniń "Volonterler klýby" jáne "ITU janyndaǵy Phoenix" sııaqty qozǵalystar volonterlikpen aınalysady, atap aıtqanda muqtaj jandarǵa kómektesedi. "QazMed jastary" quramynda erikti túrde medısınalyq kómek kórsetetin stýdentter bar.
Stýdentter mádenı ómirge de belsendi qatysady. "Astana jastary" jastar resýrstyq ortalyǵy olar úshin jyl saıyn birinshi kýrs stýdentteriniń resmı saltanatty jıyny men "Jana Beles" shyǵarmashylyq festıvalin uıymdastyrady. Sonymen qatar "Jastar Jalyny Camp" stýdentter lageri bar. "Astana City Quest" qalanyń qasıetti oryndarynda ótkiziledi. Sonymen qatar stýdentter óz ıdeıalaryn "Astana Ideas" startap baıqaýynda usynyp, ózderin ınnovasııalyq ónertabys salasynda kórsetedi.
Sondaı-aq kolledj stýdentteri "Jas Sarbaz" áskerı-patrıottyq qozǵalysyna qatysady jáne volonterler mektebinde oqýdan ótedi.
Bıyl JOO men kolledj stýdentteri "NUR-SULTAN DEBATE CUP-2020" onlaın-pikirsaıys týrnırine qatysty.
