Memleket basshysy Nursultan Nazarbaev kórnekti aqyn Kákimbek Salyqovtyń qaıtys bolýyna baılanysty otbasy men týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Memleket basshysy Nursultan Nazarbaev kórnekti aqyn Kákimbek Salyqovtyń qaıtys bolýyna baılanysty otbasy men týǵan-týystaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Memleket basshysy jedelhatta Kákimbek Salyqovtyń búkil bilimi men tájirıbesin, qajyr-qaıratyn týǵan eli men halqynyń ıgiligine arnap, jemisti eńbek etken belgili tulǵa ekenin atap ótken.
«Eńbek jolyn ınjener-metallýrg bolyp bastap, óziniń kemel bilimi men zor uıymdastyrýshylyq qabiletiniń arqasynda respýblıkamyzda, Máskeýde jáne О́zbekstannyń Qaraqalpaq oblysynda joǵary memlekettik qyzmetter atqardy. Ol ǵıbraty mol ómirinde memlekettik qyzmet pen tabıǵat bergen aqyndyq darynyn qatar alyp júrdi. Onyń názik te syrshyl aqyndyq júreginen halqy súıip oqıtyn talaı-talaı jyr kitaptary men án arqaýyna aınalǵan óleń joldary týdy. Osyndaı qasıetterimen halqymyzdyń zor qurmeti men qoshemetine bólendi. Ol KSRO Joǵarǵy Keńesiniń jáne Qazaq KSR Joǵarǵy Keńesiniń depýtaty bolyp saılandy. Onyń eńbegi joǵary memlekettik nagradalarmen atap ótildi», – delingen jedelhatta.
Nursultan Nazarbaev Kákimbek Salyqovtyń esimi umytylmaıtynyn, al halqymyz onyń shyǵarmalarynan árdaıym rýhanı nár alatynyn atap ótken.
