"Maqsatymyz – "Qazaqstan Respýblıkasynyń 2015-2025 jyldarǵa arnalǵan sybaılas jemqorlyqqa qarsy" strategııasyna sáıkes otbasy qundylyqtaryn nasıhattaý. Sondaı-aq, otbasy músheleriniń arasyndaǵy baýyrmaldyq, qaıyrymdylyq, dostyq qarym-qatynasty qalyptastyrý, zamanaýı jetistikterge laıyqty tulǵany, ashyq oıly, qaıyrymdy otbasyny anyqtaýdy kózdedik", deıdi óńirlik departament basshysynyń birinshi orynbasary Aıdos Mamyt.
Bıyl baıqaýǵa qatysýshylar parasatty otbasy qundylyqtary, sybaılas jemqorlyqqa qarsy oı-pikiri, ustanymy týraly beınerolıkterdi áleýmettik jelilerde jarııalady. Qazylar alqasy baıqaýda baq synaǵan 25 otbasynyń beınerolıgin saralady. Baıqaý qorytyndysynda birinshi orynǵa Bókenovter otbasy ıe boldy. Ekinshi júldeni Ǵafýrınovter men Tóleýovter otbasy, úshinshi oryndy Qarabalınder men Beregenovter otbasy ıelendi.
Al Qurmanǵalıevtarǵa "О́negeli otbasy", Meńdeshevterge "Sheber otbasy", Talǵatovtarǵa "Yntymaqty otbasy" atalymy berildi.
