Konkýrs komıssııasynyń quramyna Parlament Senatynyń depýtattary B.Jumaǵulov, D. Nurjigit, "Qazaqstannyń Azamattyq Alıansy" ZTB prezıdenti jáne kommersııalyq emes, korporatıvtik jáne bıznes sektorynyń ókilderi qatysty.
Mınıstr A.Balaeva óz sózinde: "Úkimettik emes uıymdarǵa arnalǵan syılyqaqy - bul 2017 jyldan bastap memleket tarapynan kórsetiletin qoldaý tetigi ekendigin atap ótti. Jyl saıyn syılyqtar ÚEU-ǵa respýblıkalyq, salalyq jáne óńirlik deńgeılerde áleýmettik máselelerdi sheshýge qosqan úlesi úshin 15 baǵyt boıynsha beriledi. Aıta ketý kerek, osy jyldar ishinde syılyqty 185 úkimettik emes uıym aldy", dep aıtyp ótti.
Konkýrstyq komıssııanyń otyrysyna 1 kezeńde azamattyq qoǵam ókilderi, BAQ, qoǵam qaıratkerlerinen qurylǵan jumys tobynyń 63 táýelsiz sarapshysymen qaralǵan 109 ótinim boıynsha aldyn ala baǵalaý qorytyndylary shyǵaryldy.
Nátıjesinde konkýrstyq komıssııa músheleri ÚEU syılyqaqyny 38 jeńimpazyna berý týraly sheshimdi qoldady. Olardyń esimderi aǵymdaǵy jyldyń 27 qarashasynda ótetin IX Azamattyq forýmnyń jabylýynda aıtylatyn bolady.
Sondaı-aq, Aıda Balaeva syılyqaqy berýdiń mehanızmin jetildirý, irikteýdiń naqty krıterıılerin anyqtaý qajettiligin aıtty.
