Baǵdat Mýsın óz telefonyna eGov mobile qosymshasy arqyly jeke kýáliktiń, júrgizýshi jáne neke qııý týraly kýáliktiń sıfrly nusqalaryn qalaı tabýǵa bolatyny týraly nusqaýlyq túsirip kórsetti.
Qujattardyń elektron nusqasyn kórý úshin qazaqstandyqtarǵa mynalardy isteý kerek:
- eGov mobile qosymshasyn júkteý,
- ESQ nemese bir rettik SMS-qupııasóz arqyly tirkelý,
- "bastyǵa" ótip, tómengi jaǵynda "sandyq qujattar" túımesin basý.
Osydan keıin ekranda qujattar tizimi men otbasy músheleriniń qujattary shyǵady. Qajetin tańdap, "ruqsat berý" túımesin basý arqyly siz bolashaqta qaǵaz qujattyń túpnusqasy ornyna resmı paıdalanýǵa múmkindik beretin QR-kod kóresiz.
Aıta ketý kerek, qosymshanyń bul fýnksııasy synaq túrynde jumys istep turýy múmkin. Sebebi keıbir qoldalanýshyda qujattar áli joq.
Baǵdat Mýsın atap ótkendeı, bolashaqta júrgizýshi kýáliginiń elektron nusqasynyń QR-kodyn polıseılerge kórsetýge bolady. Alaıda qazaqstandyqtar zań boıynsha áli de qujattaryn ózimen birge alyp júrýi tıis. Qazaqstandyqtardy qujat alyp júrýden bosatatyn norma áli qabyldanǵan joq.
Naýryzda el Prezıdenti Qasym-Jomart Toqaev qujattardyń qaǵaz nusqalaryna birtindep tyıym salyp, elektron formatqa kóshirilýi kerek ekenin málimdegen edi.
