"Januıa" otbasy ınstıtýtyn qoldaý ortalyǵynda zańgerlik, psıhologııalyq jáne áleýmettik kómek kórsetiledi. Mamandar ár otbasymen jeke jumys júrgizedi. Elorda turǵyndaryna open space alańynda qoǵamdyq densaýlyq saqtaý, jumysqa ornalasý, bilim alý, turǵyn úı alý jáne bıznes ashý máseleleri boıynsha júıeli keńester men kómek kórsetiledi.
Ortalyqta barlyq jaǵdaı jasalǵan. Erekshe qajettilikteri bar adamdarǵa arnalǵan lıftiler jumys jasaıdy, al balalarǵa arnalǵan arnaıy oıyn aımaǵy ashylǵan, onda ortalyq qyzmetkerleri olardy qadaǵalaıdy.
OIQO Beıbitshilik kóshesi, 14 mekenjaıynda ornalasqan. Ortalyq jumys kúnderi saǵat 09.00-den 18:00-ge deıin jumys isteıdi. Suraqtar boıynsha +7-7172-27-82-98 telefon nómiri boıynsha habarlasýǵa bolady. Qajetti aqparatty Ortalyqtyń Instagram paraqshasynan bilýge bolady.
"IQala" qalalyq qyzmetter ortalyǵy elorda turǵyndaryna turǵyn úı-kommýnaldyq sektor uıymdarynyń qyzmetterin onlaın rejımde jáne bıznes týraly keńes alý múmkindigin usynady. Búgingi kúni Ortalyq jeke jáne zańdy tulǵalar úshin 137 qyzmet túrin kórsetedi. Qoldanýshylarǵa yńǵaıly bolý úshin, qoljetimdi qyzmetter tizimi www.iqala.kz portalynyń basty betinde ornalasqan. Ortalyqtyń front-ofısi Qoshqarbaev dańǵyly, 29 mekenjaıynda ornalasqan. IQala jumysy týraly týyndaǵan barlyq suraqtar boıynsha qala turǵyndary 109 biryńǵaı baılanys ortalyǵynyń (i-Komek) telefony boıynsha habarlasa alady.
Nur-Sultandaǵy Azamattyq bastamalar ortalyǵy belsendi elordalyqtar men úkimettik emes uıymdarǵa qaladaǵy áleýmettik nemese mádenı ortany jaqsartý jónindegi jobalardy iske asyrýǵa kómektesedi. ABO-da aqparattyq-ádistemelik qoldaý, keńes berý, oqytý is-sharalary júrgiziledi. Ortalyq jobalar qunyn esepteýge, sondaı-aq qarjylandyrý máselesin sheshýge kómektesedi.
Turǵyndardyń belgili bir áleýmettik máseleni sheshýge jáne ony qalaı jasaýǵa bolatynyn bilý úshin, Azamattyq bastamalar ortalyǵyna júginýge bolady. Ol úshin civilcenterelorda.kz saıtynda konsýltasııaǵa ótinim qaldyrý qajet nemese myna nómirlerge qońyraý shalyńyz: +7 7172 32 35 19, + 7 771 050 15 37, +7 708 800 28 87.
Turǵyn úı salasynda qyzmet kórsetý jónindegi biryńǵaı ortalyqta turǵyn úı máseleleri boıynsha keńes alýǵa bolady. Turǵyn úıge kezekke turý, kezek nómirin tekserý, turǵyn úı baǵdarlamalaryna qatysý sharttary, turǵyn úı sertıfıkatyn alý, kredıttik/jalǵa beriletin páterler máseleleri jáne t.b.
Ortalyqta arnaıy mamandar qyzmetin alýǵa bolady. Onda Turǵyn úı qurylys jınaq bankiniń keńesshileri de jumys isteıdi. Biryńǵaı turǵyn úı ortalyǵy Respýblıka dańǵyly, 32 mekenjaıy boıynsha ornalasqan.
