Saıasat • 24 Qarasha, 2020

Kandıdattar tizimi bekitildi

10 ret kórsetildi

Elordada Qazaqstan halyq partııasynyń kezekten tys XVI sezi ótti. Jıyn barysynda partııa ókilderi saılaýaldy baǵdarlamasynyń jobasyn jáne Májiliske depýtattyqqa kandıdattardyń tizimin tanystyrdy.

Is-shara barysynda Májilis depýtaty Irına Smırnova Qazaqstan halyq partııasynyń saılaýaldy baǵdarlamasynyń jobasy týraly baıandady. Onyń aıtýynsha, Qazaqstan halyq partııasy qarapaıym adamdardyń quqyqtary men zańdy múddelerin qorǵaý isin jalǵastyrý úshin Parlamentke barmaq.

«Birinshiden, bilim men medısınanyń qoljetimdiligi men sapasy eskerilip otyr. Bilim alý qoljetimdi bolýy tıis. Ol úshin tegin bilim alýǵa kóshý kerek. Ekinshiden, halyqtyń baspana máselesin sheshýge ekpin qoıylady. Biz qazaqstandyqtar úshin jer telimi máselesin túbegeıli sheshemiz. Ár otbasy bas­pana jáne úı sharýashylyǵy nysanyn salý úshin 20 sotyq jer alady. Memleket bul telimderge qajetti ınfraqurylymdy tartady. Úshinshi bastama zeınet jasyna jetkenderge jaǵdaı jasaýǵa arnalǵan. Osy oraıda zeınet jasyn 60 jasqa deıin tómendetý eskerilgen. Tórtinshi bastamada jer resýrstaryna memlekettik menshikti qorǵaý qamtylǵan. Besinshiden, aýyl sharýashylyǵy ekonomıkanyń draıveri bolyp, eldiń azyq-túlik qaýipsizdigin qamtamasyz etedi», dedi I.Smırnova.

Sondaı-aq saılaýaldy baǵdarlamada bankterdiń esebinen jeke ári zańdy tulǵalar úshin nesıelik raqymshylyq júrgizý qadamy qarastyrylǵan. Budan bólek, salyq saıasaty, memlekettik sheshimderdi júzege asyrýdyń tıimdiligin baqylaý bastamasy qamtylǵan. Munymen qosa sot júıesine qatysty usynystar eskerilip, halyqtyń rýhanı murasyna nazar aýdarylyp otyr.

Qazaqstan halyq partııasynyń jıyn barysynda Májiliske depýtattyqqa kandıdattardyń partııalyq tizimi bekitildi. Bul týraly partııa hatshysy Jambyl Ahmetbekov baıandama jasady.

«Biz saıası shoý jasaýdan aýlaq boldyq. Bul turǵyda kásibı bilikti adamdardy tańdaýǵa, olardyń eńbegi men jetistigine qaraýǵa mán berdik. Atap aıtqanda, depýtattyq mindetin adal atqaratyndardy, qıyndyqtarǵa moıymaıtyn azamattardy irikteımiz. Tizimge partııa jumysynda ózin kásibı biliktiligi jaǵynan kórsete alǵan adamdar endi.

Bizdiń partııa Májilis jáne máslıhat saılaýyna qatysady. Qazaqstan halqy bizdiń ıdeıalar men bastamalardy qoldaıdy dep úmittenemiz. 125 adam tańdaldy, onyń ishinde erlerdiń úlesi – 89 adam nemese 71,2 paıyzy, al áıelder – 36 adam nemese 28,8 paıyzy. Jastardyń úlesi – 7,2 paıyz, ıaǵnı 9 adam endi. Nátıjesinde, zańǵa sáıkes kvotany eskerip otyrmyz. Osylaısha, onyń mólsheri 36 paıyzǵa jetti. Kandıdattardyń ortasha jasy – 46-da», dedi J.Ahmetbekov.

Májiliske usynylǵan úmitkerler arasynda qazir­gi Májilis depýtattary Aıqyn Qońyrov, Jambyl Ahmetbekov, Irına Smırnova, Magerram Mager­ra­mov, buǵan qosa, «Kıpr» saraptama tobynyń jetek­shisi Erlan Smaılov, Ál-Farabı atyndaǵy Qazaq ulttyq ýnıversıteti Fılosofııa jáne saıasatta­ný fakýltetiniń dekany Álııa Masalımova, qara­ǵan­dylyq azamattyq belsendi Vasılıı Klımakov bar.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar