Aýyl • 24 Qarasha, 2020

Aýyldyń kórki – azamatynan

183 ret kórsetildi

Kir jýyp, kindik kesken aýylynyń ajaryn kirgizip, bosaǵasyna tepkilese ketpeıtin bereke bitirip otyrǵan atpal azamattardy kórgende alpys eki tamyryńda bir sezimniń atoılaıtyny bar. Kimniń de bolsa bir búıirinde týǵan jeri, onyń búgingi ahýaly, erteńgi bolashaǵy júrgeni jaqsy ǵoı.

Keıipkerimiz Bekim Ákimov bar keregi tabylatyn, jumysy júrip, oıǵa alǵany ońynan oralyp, tasy órge domalap turǵan qalada da júre berer edi. Tek ara-tura at izin salǵanda kóretin, kórgen saıyn kóńili qulazyp qalatyn aýylynyń keshegi beınesi esinen shyqpaı qoıǵany. Kúnnen-kúnge tozyp bara jatqandaı ma, qalaı? Aı aralatyp, apta aralatyp kózkórgen adamdardyń kósh jolyna túsip, týǵan jerinen qımaı-qımaı attanyp bara jatqany júregine salmaq túsiretin. Azamat bolyp týǵany ras bolsa, aýyldyń eńsesin kóterý lázim. Al ol sharýany ózi ishinde bolyp, basy-qasynda júrmese, qalaı jolǵa qoımaqshy? Qabyrǵasymen keńese kele, at basyn aýylǵa burmaqshy boldy. 2014 jyly kóship keldi. Birden Shákeı men Kúnshalǵan aýyldarynyń ortasyndaǵy joldy jóndeýge kirisken. Uzaq jyldardan beri jóndeý kórmegen jol ábden silikpesi shyǵyp, tozyp ketipti. Qazan shuńqyrdyń ishinde opyrylyp túsken taǵy bir shuńqyr bar. Tipti qarǵa adym jer jol júrýdiń ózi – qyp-qyzyl beınet, belińdi úzerdeı azap. Al jol – tirshiliktiń kúretamyry. Mańaıdaǵy aýyldar da jol azabyn kórgen soń kóshe bastaǵan. Eldiń yqylym zamannan beri ornyǵyp otyrǵan qutty qonysynan údere kóshýiniń bir sebebi de osy jol qatynasyna jóndi kóńil bólinbegendiginen. О́zi bas bolyp bar tehnıkasyn ákelip, áýpirimdep jóndep shyqty. Aýyldastarynyń alǵysyna ıe boldy. Kókiregindegi kórikti oıdyń kóp-kórim júzege asqanyna ózi de sheksiz qýanyshty edi. Týǵan jeriniń bir kádesine jarady. Odan artyq ne kerek?

– Qaıyrymdylyq – ata-babamyzdan qanymyzǵa sińgen qasıet. Kóne tarıhtyń kómbesin aqtaryp qarasańyz, bosaǵasyna yrys bitken baı-baǵlannyń bári tóńiregine qaraılasqan eken. Keshegi keńes zamanyndaǵy ıdeologııa baı bitkendi qubyjyq etip kórset­ti ǵoı. Áıtpese dáýlet bitken adamnyń et jaqyn týǵan-týysy bylaı tursyn, at tuıaǵy jetetin jerdegi adamǵa sharapaty tıme­geni joq. Bálkim bizdiń yrysymyzdy sál moldaý qylyp berse, onda aýyldastyń da úlesi bar shyǵar. Eger bir aýylda tútin túte­tip, bir teriniń pushpaǵyn ılesken aǵa­ıyn qońtorǵaı otyrsa, tamaǵyńnan as óte me? Sondyqtan barlyq sharýany júrek qalaýymen, aq adal peıilimniń meıirmen sabaqtasýynan jasap jatyrmyn, – deıdi Bekim.

Qaıyrymdy kásipker kóp sharýasyn tip­ti esine de túsire almady. Áýeli aýyldaǵy kópten tozyp, kózge qorash bolyp turatyn mádenıet úıin jóndegen. Aýyl jastarynyń týǵan jerde turaqtap qalýy úshin rýhanı qazynanyń oshaǵy qaltqysyz jumys istep turýy kerek. Jastar kóship ketse, shoq juldyzdaı shaǵyn aýyldyń bolashaǵy ne bolmaq? Bekim Serikuly dál osylaı oılaǵan. El ishindegi qolynan is keletin azamattardy jınap, 3 mln 700 myń teńgege qulaǵaly turǵan mádenıet úıin qurylysshynyń qalaǵynan jańa shyqqandaı etip jóndep berdi. Sol-aq eken, aýyldaǵy mádenıet osha­ǵynyń jumysy jandanyp sala berdi. Sharýadan qoly bosap, kóz baılanǵannan keıin kóńil kóteretin jer tappaı, rýhanı júdep júrgen aýyl jastary mándi sharasy jıi ótkiziletin mádenıet úıiniń bosaǵasyn bosatpaıtyn boldy. Aıtpaqshy, osy mádenıet úıi 2016 jyly oblystaǵy ózi tektes mekemelerdiń arasynda birinshi oryn alyp, aıdy aspanǵa bir-aq shyǵardy.

Aýyl mektebi de júdeý edi. Oǵan da kómek qolyn sozdy. Ásirese jańa oqý jyly qar­sańyn­daǵy «Mektepke jol» aksııasyna belsene qatysyp, aýyldaǵy áleýmettik jaǵy­nan az qam­tylǵan otbasylardyń balalaryn shyrttaı jańa kıindirip, sómkelerine oqý­lyq­taryn salyp berip, sporttyq kıimderin jańala­dy. Byltyr Erkinshilik, Oljabaı, Toıbaı aýyldaryna qatynaıtyn kúre joldardy, aýyl ishindegi kóshelerdi qardan tazalady. Ereımentaý qalasynyń on shaqty kóshesin qasat qardan arshyp turýdy moınyna aldy. Jaman tumaý jaılaǵan kez­de qamsyz otyrǵan halyq maska tappaı qınalǵan. Eliniń amandyǵyn oılaǵan Bekim ony da ákelip berip, tegin taratty. Jergilikti ákimdikten kómekke zárý adamdardyń tizimin alyp, kúndelikti qajetti azyq-túligin tegin taratty.

Osy kómek sharýashylyǵynyń tabysy esebinen jumsalyp otyr. Sóz arasynda 20 aýyldasyn turaqty jumyspen qamtyp otyrǵanyn aıta ketsek te artyq bolmas. Olardyń aı saıynǵy eńbekaqysy ýaqytynda tólenedi. Qosymsha sharýashylyqtaryndaǵy malyna qajetti shóp, saban, jem tegin beriledi. Jumysshylaryn kúnine bir ret ys­tyq tamaqpen qamtamasyz etedi. Bul óńir­de qysqa qajetti otyn-kómir tabý – óte ózekti máseleniń biri. El jaıy esinen shyq­paıtyn bizdiń keıipkerimiz óz jumys­shy­larynyń otyn-kómirin tasyp beredi. Qazir sharýashylyq 200-den asa qara mal, 10 úıir jylqy baǵyp otyr, myń gektar jerge egin egedi. Átteń jaıylymnyń tarlyǵy qol­baılaý, áıtpese tórt túliktiń basyn budan da kóbeıtýge jaǵdaılary jetip tur. Eger mal basy kóbeıse, aýyldaǵy adamǵa turaqty tabys tabatyn jumys kózi bolar edi.

Elge jasaǵan qaıyrymdylyǵy atalmaı qalǵan joq. 2020 jyldyń 14 tamyz kúni aýdan­da uıymdastyrylǵan baıqaýda «Týǵan ólke» atalymy boıynsha «Jomart júrek» syılyǵynyń ıegeri atandy.

– Aýyldyń órkendeýine, keńinen qanat jaıýyna óz úlesimizdi qosyp jatsaq, ol ata-babamyzdyń amanaty tárizdi kórinedi. Men eshqashan jasaǵan jaqsylyǵymdy dabyralap, jurtqa jaıyp aıtqym kelmeıdi. Týǵan jerdi túletý – ár perzenttiń mańdaıyna jazyl­ǵan qasıetti paryzy. Qalada júrgende de peshenemizge buıyrǵan yryzdyǵymyz bol­dy. Solaı júre berýge de bolatyn edi, biraq týǵan aýylyń toz-toz bolyp jatsa, óz búıirińniń biteý bolǵany kimge kerek?! Osy jerdi elim dep, jerim dep kelgen soń qara bastyń qamyn ǵana oılamaı, qarasha eldiń mu­ńyn muńdasań ǵana aldyńa qoıǵan asqaraly maqsatyń oryndalady, – deıdi B.Ákimov.

Qazir Kúnshalǵan aýylynyń kúmbezin araıly kún shalyp tur. Bolashaqqa degen senim myqty. Bereke úıirer birlik bar. Qaýmalasa, qarbanyp baıandy bolashaqqa bet alǵan ataqonystyń tútininiń túzý ushýyna elin súıgen, jurtyn qadirlegen Bekim Serikuly tárizdi bitimi bólek azamattardyń janashyrlyǵy sep bolyp tur.

 

Aqmola oblysy,

Ereımentaý aýdany

Sońǵy jańalyqtar

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Uqsas jańalyqtar