Oqıǵa • 05 Jeltoqsan, 2020

Volonterler jas otbasyna úı taýyp berdi

28 ret kórsetildi

Qaıyrymdylyq maqsatynda qurylǵan pavlodarlyq «Klýb dobrıakov» toby Tereńkól aýdanyndaǵy Peschanoe aýylyndaǵy bos qalǵan úıdi muqtaj otbasyna tegin beretinin jarııalady. Habarlandyrýdan keıin top ókilderine ótinish bildirgen, jaǵdaıyn aıtyp kelgen otbasylar áp-sátte tabyla ketti.

 

Úı ıesi Galına Dmıtrıeva ájesi otyz jyl turǵan úıi bos qa­lyp, ıe bolar jańa otbasy izdeıdi. «Bul úıge otbasymyz 1991 jyly kóship keldi. Munda úsh urpaq ósip-óndi. Jaz saıyn ájemizge demalysqa keletinbiz. Erekshe estelikke toly úı. Osy úı­de otbasymyz túgeldeı jı­nala­tyn. Baqshada jemis te­rip, keshke sony bárimiz jeı­tinbiz. Bul úıde eńbek etý­di úırendik. Bul meken – ba­lalyq shaǵymyzdyń kýási. Jaz­da ájem baqılyq bolyp, úı bos qaldy. Endi osy qutty úıdi muqtaj otbasyna bersek degen nıet paıda boldy», deıdi Galına.

Úı ıesiniń aıtýynsha, bul habarlandyrýǵa deıin páter bir otbasyna syılanypty. Olar tek kommýnaldyq qyzmetin tólep tursa degen kelisim bolǵan. Alaı­da jańa otbasy marqum ájeı­diń zattaryn satyp, oǵan qosa kom­mýnaldyq qyzmetteri úshin bereshegin ótemegen. «Olar­men qoshtasýǵa týra keldi. Biz shy­nymen muqtaj, alaıda jaýapty, jaqsy otbasyn izdeımiz. Ot­basymyzben qala­daǵy «Klýb dobrıakovqa» habarlasýdy jón kórdik. О́ıtkeni estelikke toly úıdi jaqsy otbasyna senip tap­syrǵymyz keldi», deıdi ol.

Eriktiler de amanatqa qııa­nat qyl­maı, otbasylardy irik­teýge kóshipti. «On shaq­ty otbasy habarlasty. Ár­qaısysynyń óz oqıǵasy bar. Jalpy, úıde barlyq jaǵdaı bar. Úlken úsh bólme, keń aýla, baqsha men monsha da bar. Aýylda jumys ta ta­by­­lady dep oı­laımyz. Úı or­talyqta, ákimdik jaqyn. Ertis te janynda. Ebin tabamyn degen adamǵa múmkindik bar. Baqshasynyń ózi úlken», deıdi qor jetekshileri.

Aýdan ortalyǵynan 20 sha­­­qyrym jerde, Ertis bo­ıyn­­daǵy úıge eki qyz tár­bıelep otyrǵan jas ot­basy ıe boldy. Qamıtovter bes jyl buryn otaý qurǵan. Qaı­rolla men Raýshannyń bú­ginde eki qyzy bar. Birdi bir­ge jalǵap kelgen jas otbasy jańa úıge úlken úmit­pen kósh­ti. Volonterler olarǵa kó­shýge járdemdesip, qysta qı­nalmasyn dep 1 tonna kómir túsirip bergen.

«Úıdi bizge beretinin es­tigende qatty qýandyq. Al­ǵashynda sen­bedik te. Qat­ty qobaljyp, ne istep, ne qoı­ǵanymdy umytyp qal­­dym. Kósher kúndi asyǵa kút­tik. Qyzdarymyzdyń qýany­shyn­­da shek joq. Mundaı syı­lyq­qa rahmet! Volonterler kóshýge kómektesti. Galı­na­nyń ózimen kezdesip, ta­nys­tyq. Ol bizdi úıge ózi alyp bardy. Endi bizdiń de óz úıimiz bar. Endi bári jaq­sy bolady», deıdi Raýshan Qa­­mıtova.

Sońǵy jańalyqtar

iPhone 12 densaýlyqqa zııan dep tanyldy

Tehnologııa • Búgin, 15:38

Jańa Lada Niva kóligi qurastyrylýy múmkin

Tehnologııa • Búgin, 15:26

Semeıde eki avtobýs jol apatyna tústi

Aımaqtar • Búgin, 15:18

Qudyqqa qulaǵan qunandy qutqaryp qaldy

Aımaqtar • Búgin, 13:38

Arysta joǵalǵan bir úıir jylqy tabyldy

Aımaqtar • Búgin, 13:25

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Uqsas jańalyqtar