"Halyqtyń áleýmettik álsiz toptaryn qoldaý — bizdiń negizgi basymdyqtarymyzdyń biri. Bıýdjetti mańyzdy bóligi áleýmettik baǵytqa baǵyttalady. Bıyl pandemııany eskere otyryp, bıýdjet shyǵyndardy azaıtý jumystaryn júrgizdik. Áleýmettik salalarǵa qosymsha 10 mlrd.teńgeden astam qarajat qarastyryldy. Naqty kómek kórsetý úshin ótken jyldyń jazynda "Januıa" otbasy ınstıtýtyn qoldaý ortalyǵy ashyldy. Búgin ortalyqtyń jumysy QR Prezıdentiniń kómekshisi Tamara Dúısenovaǵa tanystyryldy.
Ortalyqta qala turǵyndary turǵyn úı, bilim berý, medısına, AÁK taǵaıyndaý, bıznesti ashý jáne t.b. máseleler boıynsha keńes alyp, kómek ala alady. Sonymen birge ortalyqta biliktilikti arttyrý kýrstary ótkiziledi, quqyqtyq jáne psıhologııalyq kómek kórsetiledi. "Januıa" ortalyǵynda adamdar "bir tereze" qaǵıdaty boıynsha kómek alady. Osy ýaqyt ishinde ortalyq 30 myńnan astam adamnyń máselesin óńdedi.
Sonymen qatar, búgin "Januıa" ortalyǵynda "Eńbegi janǵan arýlar" atty jumys isteıtin áıelder forýmyna qatystym. Onda jumys isteıtin áıelderdiń mártebesin arttyrý, áleýmettik jobalardy keńeıtý jáne qoldaý jáne t.b. máseleler qaraldy. QR isker áıelder qaýymdastyǵynyń belsendi múshelerine alǵys hattar tabys etildi", dep jazdy Altaı Kólginov.
