Máselen, 26.11.2020 jyly saǵat 20.40-ta polısııaǵa Pavlodar qalasyndaǵy "Avtovokzal" tramvaı aıaldamasynyń oryndyǵynan 8-9 aılyq jastaǵy azııalyq bala tabylǵany týraly habarlama kelip tústi. Kózben sholyp qaraý kezinde balada kózge kórinetin dene jaraqattary anyqtalǵan joq. Dereý jas balalar boıynsha baǵdar jasalyp, barlyq aýmaqtyq jáne shekara mańyndaǵy aýdandarǵa taratyldy. Jaqyn mańdaǵy barlyq kósheler tekserildi, kýágerler men kórgender arasynda saýalnama júrgizildi. Jedel qyzmetkerler men ýchaskelik polısııa ınspektorlary qys mezgilinde úlken jumys atqardy. Nátıjesinde, ýchaskelik ınspektorlar jedel túrde 32 jastaǵy pavlodarlyq basqarǵan "Toyota Camry" avtokóligin anyqtady. Onyń aıtýynsha, "InDriver" mobıldi qosymshasy arqyly ol klıentterdi tasymaldaýmen aınalysady. Bul kúni ol ShQO Semeı qalasynan Pavlodar qalasyna balasy bar áıeldi alyp keldi, ol kelgen boıda áıeldi avtovokzalǵa qaldyrdy. Eki saǵattan astam ýaqyt ótti, kúdikti áıel ustaldy. Oqıǵa boıynsha QR QK 119 - baby 1-bóligi boıynsha sotqa deıingi tergeý bastaldy, - dedi Pavlodar oblysy Polısııa departamentiniń bastyǵy Nurlan Másimov brıfıngte.
Polısııa áıeldiń turmysta emes ekenin, asyraýynda kámeletke tolmaǵan eki uly (9 jas, 1,2 jas) bar ekenin túsindirdi. Úlken uly ájesimen Ekibastuz qalasynda turady. Sońǵy jyldary ol ózi Taraz qalasynda turǵan. Ulyn tastap ketýdi aldyn ala josparlapty.
Anyqtalǵannan keıin, jas bala jedel járdem dárigerlerimen tekserilip, keıin Pavlodar qalasynyń aýrýhanasyna jatqyzyldy.
