Budan basqa, «Azamattarǵa arnalǵan úkimet» memlekettik korporasııasynyń Almaty qalalyq fılıaly «Mama Nova» kompanııasymen birlesip, HQO-larda ana men balanyń mobıldi bólmelerin jasaqtady. Onyń alǵashqysy Almaly aýdanyndaǵy front-ofıske ornalastyryldy.
«HQO-ǵa sábıimen kelgen analar balasyn emizýge nemese jórgegin aýystyrý úshin ońasha oryn izdeýge májbúr bolatyn. Endi olar ana men balaǵa arnalǵan bólmeni paıdalana alady», - deıdi «Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaev.
Ana men balaǵa arnalǵan mobıldi bólme front-ofıstiń 1-qabatynda ornalasqan. Qyryqbaev dál osy ýaqytqa deıin ana men balaǵa arnalǵan bólmeniń bolmaýyna front-ofıs ǵımaratynda orynnyń jetispeýshiligi sebep bolǵanyn atap ótti.
«Mama Nova kompanııasynyń arqasynda kópten kútken ana men balaǵa arnalǵan bólmeni jasaý týraly sheshim qabyldandy. Ámbebaptyǵymen erekshelenetin bólme shaǵyn bolsa da, balaly qyzmet alýshylar úshin úlken ról atqarady», - deıdi ol.
Dál búgin HQO-ǵa sábıimen kelgen Aqbota Nábı mobıldi bólmeniń birinshi bolyp ıgiligin kórdi. Bolattyń jórgegin jaıly jerde aýystyryp, qajetti zattardy da bólme ishinen taba aldy. Jaıalyq,súrtkish, maılaıtyn jaqpa, untaq degender de daıyn tur...
Kompanııa mobıldi bólmeni ana men balaǵa qajetti zattarmen qamtamasyz etip otyrýdy da óz mindetine alǵan.
«О́mirdiń alǵashqy jyldary ár balanyń ómirindegi eń mańyzdy kezeń. Biz bir jasqa deıingi sábılerdiń ómirin sapalandyrýǵa jáne úıden tys jerde analarǵa jaıly jaǵdaı jasaýdy maqsat tutamyz. Mama Nova bólmeleri tolyǵymen ekologııalyq taza materıaldardan jasalǵan. Qaýipsiz jumys isteý úshin barlyq buryshtar tegistelgen jáne dóńgelektelgen. Qasbetteri joǵary sapaly lamınattalǵan DSP-dan jasalǵan. Bizdiń oıymyzsha, bul joba jas balalardyń damýy men densaýlyǵy úshin jaqsy ınfraqurylym qurýǵa kómektesedi, sol arqyly bolashaq urpaǵymyzǵa berik negiz qalaıdy» - deıdi Mama Nova kompanııasynyń dırektory Evgenıı Býlatov.
ALMATY
