Joba egemendiktiń alǵashqy jyldarynda Qazaqstan eńsergen jeti negizgi syn-tegeýrinderge negizdelgen. Solardyń birqatary – naryqtyq ekonomıkanyń qalyptasýy, memlekettik shekarany belgileý jáne halyqaralyq ıntegrasııalyq prosester, ultaralyq kelisim, ıadrolyq synaqtarǵa qarsy bastamalar, jańa astananyń qurylysy, tranzıttik áleýetti iske asyrý jáne Aral teńizindegi ekologııalyq máseleler men demografııalyq problemalar.
Jas memleketimiz bul kúrdeli máselelerdi Tuńǵysh Prezıdent bastamasymen júrgizilgen reformalar arqyly eńserip, basty jetistikterine aınaldyrdy jáne elimizdiń damý jolynyń biregeıligin aıqyndady. Máselen, ıadrolyq qarýdan bas tartý Qazaqstanǵa álemdik arenadaǵy ornyn nyǵaıtýǵa, sheteldik ınvestısııalardy tartýda Ortalyq Azııa kóshbasshysyna aınalýǵa múmkindik berdi. Elimizdegi ishki saıası turaqtylyq jáne etnosaralyq birlik pen kelisimniń biregeı modeli kóptegen elderge úlgi bolyp qalyptasty.
Fılmderdiń mazmuny memleket, qoǵam qaıratkerleriniń, tarıhshylardyń, saıasattanýshylardyń, ekonomısterdiń estelikteri men pikirlerine negizdelgen.
Osy fılmder bilim berý uıymdaryndaǵy synyp saǵattarynda, ashyq sabaqtarda, pikirtalastar men kýratorlyq sabaqtarda kórsetilip jatyr. Sharaǵa 2,8 mln astam mektep oqýshylaryn jáne joǵary oqý oryndary men kolledjderdiń 700 myńnan astam stýdentin qamtý josparlanýda. Sondaı-aq is-sharalar onlaın formatta ótkiziledi.
Jeti fılmnen turatyn jobany «Astana» telearnasy túsirip, buǵan deıin elorda kúnine oraı efırde kórsetken bolatyn.
