Osy ispettes qylmys jasap, buryn sotty bolǵan 60 jastaǵy M.esimdi alaıaq áıel ózin belgili bir partııa múshesi retinde tanystyryp, adamdardyń senimine kire otyryp, iri kólemde aqsha ıemdenip ketken.
– Ol óz qurbandaryn tanystarynyń arasynan izdestirgen. Al alaıaqqa aldanǵan keıbir azamattardyń áleýmettik jaǵdaılary joǵary bola tura, baǵdarlama boıynsha páter alýǵa nıet bildirgen. Tez arada páterdi aldyn-ala kezekke qoıý úshin tólem jasaýdy usynǵan. Osylaısha ol, adamdardyń senimine kire otyryp, olardan 300 myń men 1,5 mıllıon teńge kóleminde aqsha alǵan. Alaıaq áıeldiń aram pıǵylyna aldanǵan keıbir azamattar ózderiniń sońǵy aqshalaryn ustata salsa, keıbireýleri nesıe alýǵa deıin barǵan. Alaıda, ákki kelinshek eshkimge kómektesýge nıetti emes edi. Zardap shekkenderiń eshqaısysy páterli bolmady. Al alaıaqtyq jolmen qolyna túsken qarajatty áıel óz jeke múddesine jumsap jibergen, – dep málimdedi Almaty qalasy Bostandyq aýdandyq PB-y janyndaǵy polısııa bóliminiń bastyǵy Ǵalym Qasymbaev.
Qazirgi tańda, kúdiktiniń osyndaı segiz alaıaqtyq qylmystarǵa qatystylyǵy anyqtaldy. QR QK-niń 190-baby 3-tarmaǵy 4-bólimi boıynsha qylmystyq is qozǵaldy. Tergeý amaldary jalǵasyp jatyr.
