Elbasy • 01 Jeltoqsan, 2020

Máýlen Áshimbaev: Qazaqtyń jańa zamandaǵy uly kóshin bastap berdi

33 ret kórsetildi

Barsha Qazaqstan halqyn Tuńǵysh Prezıdent kúnimen shyn júrekten qut­tyqtaımyn!

Osydan 29 jyl buryn Qazaq­stan halqy tarıhı tańdaýyn jasap, elimizdiń Tuńǵysh Prezı­dentin saılady. Bul táýelsizdik jolyndaǵy eń mańyzdy qadam­dardyń biri boldy dep aıtýǵa tolyq negiz bar.

 

Osy jyldar ishinde Qazaqstan ǵasyrǵa júk bolar ǵalamat jetistikterge qol jet­kizdi. Ata-babalar ańsaǵan arman-murattar oryndalyp, egemen el bolyp tolyq qalyptasty. Eńsesi tik, irgesi berik, naǵyz táýelsiz memleketke aınaldy. Munyń bári Elbasymyz, táýelsiz Qazaqstannyń Tuńǵysh Prezıdenti Nursultan Ábishuly Nazarbaevtyń eren eńbeginiń nátıjesi ekeni sózsiz.

Memleket basshysy Qasym-Jomart Kemeluly Toqaev «Tarıhı tulǵa taǵy­lymy» atty maqalasynda «Elbasy – elimizdiń negizin qalaýshy, eldigimizdiń sımvoly, táýelsiz Qazaqstannyń tól tarıhynyń bastaýynda turǵan tuǵyrly tulǵa!», degen edi.

Shyn máninde, Nursultan Ábishuly el tizginin qolǵa alǵan tusta Qazaqstannyń ishki ahýaly óte kúrdeli bolǵanyn bári­miz jaqsy bilemiz. Bizdiń sol kezdegi jaǵ­daıymyzdy eskerip, bolashaǵymyzǵa senimsizdikpen qaraǵandar da az bolmady. Tuńǵysh Prezıdentimiz sol tyǵyryqtan shyǵar joldy taýyp qana qoımaı, ózine júktelgen tarıhı mıssııany artyǵymen oryndady. Táýelsiz Qazaqstan memleketin quryp, egemendiktiń eń basty tuǵyrlaryn tas-túıin bekitip berdi.

Eń aldymen, shekaradaı kúrdeli másele kemeńgerlikpen sheshilip, halyqaralyq qujattarmen birjola shegendeldi. Nursultan Ábishuly bir sózinde «Jer taǵdyry – el taǵdyry» degen edi. Shekara máselesi túpkilikti sheshilmese memlekettiń táýelsizdigi baıansyz, bolashaǵy bulyńǵyr bolady. Ony búginde bárimiz kórip otyrmyz. Sondyqtan Elbasymyz bul iste daý-damaıǵa emes, salıqaly dıplomatııaǵa arqa súıedi. Nátıjesinde babalarymyzdan amanat bolǵan ulan-baıtaq jer máńgilikke qazaqtyń basty baılyǵyna aınaldy.

Tuńǵysh Prezıdentimiz memlekettik basqarý ınstıtýttarynyń zamanaýı úlgi­sin qalyptastyrdy. El damýyna tyń serpin bergen Ata Zańymyz – Konstı­tý­sııamyz qabyldandy. Soǵan sáıkes bılik tarmaqtary qalyptasyp, qos pala­taly kásibı Parlament, Úkimet, táýel­siz sot júıesi quryldy. Jergilikti ákim­dik­terdiń jumysy jolǵa qoıyldy. Sol ar­qyly memlekettik basqarý ınstı­týttary júıelenip, árqaısysynyń maqsat-mindetteri naqtylandy. Ege­men­digimiz ben eldigimizdiń berik qalqany bolǵan Qarýly Kúshterimiz jasaqtaldy.

Ekonomıka salasynda keshendi reformalar jasalyp, ekonomıkalyq ósimniń joǵary deńgeıi qamtamasyz etildi. Elba­symyz bul baǵytta da asa mańyzdy jáne tarıhı sheshimder qabyldady. Osy­laısha Tuńǵysh Prezıdentimiz búkil álem moıyndaǵan damýdyń «Qazaqstandyq jolyn» aıqyndap berdi.

Elbasymyzdyń kemeńger sheshim­deriniń biri – astanany Arqa tósine kóshirý ekeni daýsyz. Sol kezdegi ekonomıkalyq qıyndyqtarǵa qaramastan qabyldanǵan bul sheshim naǵyz strategııalyq qadam boldy. Nursultan Nazarbaev astanany kóshirý arqyly Qazaqtyń jańa zamandaǵy uly kóshin bastap berdi.

Rasymen, elordanyń ósip-órkendeýi tutas Qazaqstannyń damýyna dańǵyl jol ashty. Otanymyzdyń abyroıyn asqaq­tatyp, bedelin ósirdi, búkil qazaqstan­dyq­tardy jańa maqsat-murattarǵa jeteledi. Búginde elordamyz Otanymyzdyń júregi, táýelsizdigimizdiń tiregi, memlekettik damýdyń naǵyz temirqazyǵyna aınaldy. Jańa astanany Tuńǵysh Prezıdentimizdiń tabandylyǵy men batyldyǵynyń jarqyn kórinisi deý­ge ábden bolady.

«Tarıhty tarlan tulǵalar jasaıdy» degen sóz bar. Elbasynyń eldik múdde jolynda qabyldaǵan ár sheshimi ult tarıhynyń jańa taraýy bolyp jazylatyny anyq. Solardyń ishinde Túrkistan oblysyn quryp, Túrkistan shaharyna jańa mártebe berý týraly sheshimniń mańyzy zor.

Túrkistan – qazaq úshin ejelden qut daryp, kıe qonǵan qasterli meken jáne ulttyq rýhtyń ózegi. El damýynyń jańa kezeńinde onyń qaıta túleýi tutas Qazaq­stannyń órkendeýine tyń serpin bereri anyq. Qazirdiń ózinde onyń nátıjesin kórip te, sezinip te otyrmyz.

Túrkistandy túletý – ótkennen ónege ala otyryp, kemel keleshekke umtylýdyń ozyq úlgisi. Osy joldaǵy «Mádenı mura», «Rýhanı jańǵyrý» baǵdarlamalary da aıryq­sha mánge ıe. Tarıhtan taǵylym alý keıin sheginý emes, ol – ulttyq kodty saq­taý­dyń jarqyn kórinisi. Rasynda ulttyq kodsyz memleket bolmaıdy. Sol sebepti bul salada Elbasy ulttyq tutas­tyq­tyń kepili retinde batyl sheshimder qabyldaýdan qaımyqqan joq.

Nursultan Ábishulynyń jasampazdyq pen jańashyldyqty toǵystarǵan osyndaı strategııalyq qadamdaryn syrtqy saıasatymyzdan da baıqaýǵa bolady. Ásirese Elbasynyń jahandyq qaýipsizdikti qam­tamasyz etýge yqpal etken bastamalaryn erekshe atap ótken jón. Tuńǵysh Prezıdentimizdiń saıasaty men bastamalary kúsh pen qarýǵa emes, kerisinshe, parasat pen paıymǵa, dıalog pen senimge arqa súıedi. О́rkenıetaralyq jáne dinaralyq kelisimge basymdyq berdi. Sol arqyly álemdi alańdatqan máselelerdi sheshýge óz úlesin qosty.

Elbasynyń sarabdal saıasatynyń nátıjesinde Qazaqstan búkil álemge ekonomıkasy qýatty, yntymaǵy jarasqan, jaýapkershiligi joǵary el retinde tanyldy.

Tuńǵysh Prezıdentimiz salǵan osy sara joldan aınymaı, táýelsiz elimizdi máńgilik etý, sabaqtastyqty saqtaý – bárimizdiń abyroıly mindetimiz.

Mereke qutty bolsyn!

Sońǵy jańalyqtar

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar