Álem • 01 Jeltoqsan, 2020

Koronavırýsqa qarsy vaksına egý bastalady

31 ret kórsetildi

Ulybrıtanııa alǵashqylardyń biri bolyp koro­navırýsqa qarsy vaksınasyn jappaı qolda­nysqa engizbek. Osyǵan baılanysty Ulttyq densaýlyq saqtaý qyzmeti aýrýhanalardy 10 kún ishinde jappaı ekpe júrgizýge ázirlenýdi tapsyrǵan.

Jospar boıynsha vaksına salý jeltoqsannyń ortasynan bastalady. Eń birinshi aýrýhana dárigerleri men qyzmetkerleri ekpe alady. Vaksınalardyń alǵashqy legi 7 jeltoqsanda jetkiziledi. Ulttyq den­saýlyq saqtaý qyzmetiniń habarlaýynsha, bir­neshe kúnniń ishinde ekpeni paıdalaný maquldanýy tıis. Ulybrıtanııa Pfizer/BioNTech kompanııasynyń vaksınasyna tapsyrys bergen.

Alǵashqyda koronavırýspen kúreste aldyńǵy shepte júrgen qyzmetkerler ekpe alady. Sodan keıin kútý qyzmetine muqtajdar men 80 jastan asqandarǵa kezek beriledi. Bılik ókilderi bul eki toptaǵy adamdardy COVID-19 vırýsynan zııan shegý yqtımaldylyǵy joǵary bolǵandyqtan tizimge engizgen.

Pfizer korporasııasy ótken aptada BioNTech kompanııasymen birlesip jasaǵan vaksınany synaýdy aıaqtaǵanyn málimdedi. Vaksına tıimdiligi 95 paıyzdy kórsetken. Buǵan deıin atalǵan vaksına 90 paıyz ımmýnıtet qalyptastyratyny týraly málimet taratqan edi.

Kompanııa ókilderi jaqyn kúnderi AQSh bıligine jáne vaksınany tirkeý jóninde tapsyrys bergen ózge elderge jóneltetinin jetkizdi. Vaksınany synaýdyń úshinshi kezeńine qatysqan 43 myń eriktiniń 170-i ǵana koronavırýs juqtyrǵan. Onda da olardyń 8-ne ekpe salǵan, al qalǵandary plasebo alǵan.

Pfizer sonymen birge vaksınany saqtaý úshin (ony mınýs 70°C-ten kem emes temperatýrada saqtaý kerek) arnaıy qurǵaq muz saqtaıtyn konteınerler jasap shyǵarǵanyn málimdedi. Kompanııa bıyl 50 mıllıon, al kelesi jyly 1 mıllıard doza vaksına shyǵarmaq.

 

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar